پولياكتاردىڭ قازاقستانعا جەر اۋدارىلعانىنا بيىل – 80 جىل. وسىعان بايلانىستى كەشە استانا قالاسىندا قازاقستان حالقى اسسامبلەياسىنىڭ قالالىق بولىمشەسى, «Polasy» قوعامدىق بىرلەستىگى جانە پولشا رەسپۋبليكاسىنىڭ قازاقستانداعى ەلشىلىگىنىڭ ۇيىمداستىرۋىمەن ارنايى ءىس-شارا ءوتتى.
شاراعا قاتىسقان رەسمي وكىلدەر سوناۋ قيىن-قىستاۋ زاماندا باستان وتكەرگەن اۋىر كۇندەرىن ەستەرىنە الىپ, جازىقسىز قۋعىن كورىپ جەر اۋدارىلىپ كەلگەن وزگە ۇلتتارعا قورعان بولعان قازاق حالقىنىڭ باۋىرمالدىعى تۋرالى جىلى لەبىزدەرىن ءبىلدىردى. «قازاق حالقى توتاليتارلىق جۇيەنىڭ كەسىرىنەن تۋعان جەرىنەن ايىرىپ, ەرىكسىز جەر اۋدارىلعان ۇلتتاردى ەش ويلانباستان باۋىرىنا باستى. بارىمەن ءبولىستى. ءوز تىلىمىزدە سويلەۋگە, ءوز مادەنيەتىمىزدى دامىتۋعا مۇمكىندىك بەردى. قازىرگى تاڭدا قازاقستاندا 13 وبلىستىق مەكەمەمىز جۇمىس جاساپ تۇر. ءبىر عانا پاۆلوداردىڭ وزىندە پولياك تىلىنەن ساباق بەرەتىن 22 سىنىپ بار» دەيدى قازاقستان پولياكتارى وداعىنىڭ پاۆلودار بولىمشەسىنىڭ توراعاسى ۆيتالي سۆينيتسكي.
شارا سوڭىندا «Polasy» قوعامدىق بىرلەستىگىنىڭ ۇيىمداستىرۋىمەن كونتسەرت قويىلىپ, تاقىرىپتىق كورمە كورسەتىلدى. كونتسەرتكە ەلوردالىق باسقا دا ەتنومادەني بىرلەستىكتىڭ شىعارماشىلىق ۇجىمدارى قاتىستى.
قازاقستانعا پولياكتاردى جەر اۋدارۋ جۇمىستارى كەڭەستەر ۇكىمەتىنىڭ 1936 جىلعى 28 ساۋىرىندەگى حكك قۇپيا قاۋلىسى نەگىزىندە جۇرگىزىلدى. وسى قاۋلى نەگىزىندە ەلىمىزگە ورتالىق ۋكراينادان 15 مىڭنان استام پولياك جانە نەمىس ۇلتى قونىستاندىرىلدى. بۇگىندە ەلىمىزدە قازاقستاندا تۇرىپ جاتقان پولياك ۇلتىنىڭ سانى 50 مىڭنان اسادى.
بۇركىت نۇراسىل
