رەداكتسيامىزعا جۇماكۇل رىسباەۆا ەسىمدى اپا حابارلاستى. ايتۋىنشا, قالا ىشىنە قاتىنايتىن №46 اۆتوبۋستىڭ كوندۋكتورى 1-توپتاعى مۇگەدەك ەكەنىنە قاراماستان, جولاقى ءتولەۋىن تالاپ ەتكەن.
«قاراعاندى قالاسىنىڭ تۇرعىنىمىن. مەنىڭ مۇگەدەك ەكەنىم راس. ونى دالەلدەيتىن قاعازىم دا بولدى. الايدا قۇجاتىمدى استانا قالاسىنىڭ قوعامدىق كولىكتەرىنە جارامسىز ەكەنىن ايتتى. وسىنىڭ انىق-قانىعىن ءبىلىپ بەرسەڭىزدەر ەكەن…» دەيدى.
اتالمىش ماسەلە بويىنشا جولاۋشىلار كولىگى باسقارماسىنا حابارلاستىق.
– «استانا قالاسىنىڭ جەكەلەگەن ساناتتاعى مۇقتاج ازاماتتارىنا الەۋمەتتىك كومەك كورسەتۋ, كولەمىن بەلگىلەۋ جانە ءتىزىمىن انىقتاۋ تۋرالى» استانا قالاسى ءماسليحاتىنىڭ 2014 جىلعى 27 ماۋسىمداعى 250/36V شەشىمى بويىنشا زەينەتكەرلەر, كوپبالالى انالار, كوپبالالى وتباسى, ءى, ءىى جانە ءىىى توپتاعى مۇگەدەكتەر, 18 جاسقا دەيىنگى مۇگەدەك بالالار جانە ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالار استانا قالاسىنىڭ قوعامدىق كولىكتەرىندە تەگىن جۇرە الادى. ياعني, بۇل جەردە كوندۋكتوردىڭ تالابى ورىندى. جالپى, استانا قالاسىندا 93000 ادام وسىنداي جەڭىلدىكپەن قامتىلعان. ولاردىڭ شىعىنى استانا قالاسىنىڭ بيۋدجەتىنەن تولەنەدى, – دەيدى قالالىق جولاۋشىلار كولىگى باسقارماسى جولاۋشىلار تاسىمالىن ۇيىمداستىرۋ ءبولىمىنىڭ باسشىسى تۇرسىنعالي جاكەنوۆ.
گۇلميرا شارحانقىزى
