جەڭىلدىكتى كولىك كارتالارىن بەرۋ پۋنكتى تەحنيكالىق سەبەپتەر بويىنشا جابىق بولادى

تەحنيكالىق سەبەپتەرگە بايلانىستى ازاماتتاردىڭ جەڭىلدەتىلگەن ساناتتارى ءۇشىن ASTRA PLAT كولىك كارتالارىن بەرۋ پۋنكتى جابىلادى.

«استانا LRT» جشس تولەم جۇيەلەرى ورتالىعىنىڭ مالىمەتىنە سايكەس, تەحنيكالىق ءۇزىلىس كارتوچكالاردىڭ جالپى سانىنىڭ جارتىسى بەرىلگەن ۋاقىتقا الدىن الا جوسپارلانعان بولاتىن. قازىرگى كەزدە ماماندارمەن 54 مىڭ كارتانىڭ 26 مىڭعا جۋىعى بەرىلگەن.

«پروتسەدۋرا اۆتوماتتاندىرىلعان, وپەراتور ارنايى قوسىمشاعا ازاماتتىڭ مالىمەتتەرىن ەنگىزەدى, سوندا قاجەتتى كارتانىڭ قاي سەكتوردا, قاي قوراپتا جاتقانىن كورەدى. بۇل ءبىر ادامعا 2-3 مينۋتتىڭ ىشىندە قىزمەت كورسەتۋگە مۇمكىندىك بەرەدى. وسى كۇنگە دەيىن كارتالاردىڭ جارتىسى تاراتىلدى. سايكەسىنشە, كەيبىر قوراپتا كارتا كوپ, كەيبىرىندە از. سوندىقتان, ءبىز قالعان كارتوچكالاردى رەتتەۋ ءۇشىن تەحنيكالىق ءۇزىلىستى الدىن الا جوسپارلاعان بولاتىنبىز, – دەدى تولەم جۇيەلەرى ورتالىعىنىڭ ديرەكتورى سەرگەي پوپوۆ.

ەسكە سالايىق, 2016 جىلعى 4 مامىردا قوعامدىق كولىكتە «ASTRA PLAT» ەلەكتروندى جولاقى تولەۋ جۇيەسىن ەنگىزۋ اياسىندا «جاستار» سارايىندا ازاماتتاردىڭ جەڭىلدەتىلگەن ساناتىنا اتاۋلى كولىك كارتالارى تاراتىلا باستادى. جوبانىڭ ءبىرىنشى كەزەڭىن 31 مامىرعا دەيىن ىسكە قوسۋ جانە ەكسپرەسس پەن قالا ماڭىنا قاتىنايتىن مارشرۋتتاردى قامتۋ كوزدەلگەن. بۇل جۇيە تاسىمالداۋ قىزمەتتەرى ءۇشىن قارجى ءتۇسىمىنىڭ ايقىندىلىعىن قامتاماسىز ەتۋگە, سونداي-اق جولاۋشىلارعا كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى.

astana.gov.kz