«City Transportation Systems» جشس-تە نۇر-سۇلتان قالاسىنىڭ قوعامدىق كولىكتەرىندە جولاقىنى تولەۋدىڭ جاڭارتىلعان ەلەكتروندى جۇيەسى تانىستىرىلدى.
قاناتقاقتى جوبا اياسىندا جولاۋشىلار Visa جانە Mastercard كارتالارى, سونداي-اق NFC جۇيەسىمەن جابدىقتالعان سمارتفون ارقىلى تولەم جاساي الادى. ترانزاكتسيانى جۇرگىزۋ ءۇشىن ولاردى ۆاليداتوردىڭ جانىندا ورنالاسقان ارنايى تەرمينالعا قوسۋ جەتكىلىكتى. جاڭارتىلعان جۇيە كولىك كارتالارىن تولىقتىرۋدىڭ ونلاين رەجيمىنە كوشۋدى قامتيدى. سونداي-اق بانك كارتالارىمەن تولەۋ قولجەتىمدى بولادى.
ەستەرىڭىزگە سالا كەتەيىك, 18 قازاننان باستاپ ەلوردادا بىرنەشە قوعامدىق كولىك باعىتىندا قاناتقاقتى رەجيمدە ءۇش جەتكىزۋشىدەن كەز كەلگەن ەكىنشى دەڭگەيدەگى بانكتىڭ كارتاسىمەن جول ءجۇرۋ تولەمى تەستىلەنۋدە.
جۇيەنى تەستىلەۋ №61 قالالىق باعىتتاعى ءۇش اۆتوبۋستا, سونداي-اق قالا ماڭىنا قاتىنايتىن №309, 310, 315 باعدارلاردا جۇرگىزىلەدى.
