استاناداعى ترياتلون ساياباعىندا جىل سايىنعى «Qysqy jugiru» جارىسى ءوتىپ, وعان 230-دان اسا ادام قاتىستى.
Qysqy jugiru جارىسىنىڭ نەگىزگى قاشىقتىعى 10 شاقىرىمدى قۇرادى. قاتىسۋشىلار 18-29 جاس, 30-39 جاس, 40-49 جاس, 50-59 جاس, 60 جاس جانە ودان جوعارى جاس بويىنشا سىنعا ءتۇستى.
ماقسات – ەلوردادا بۇقارالىق سپورتتى دامىتۋ, قالا تۇرعىندارى مەن قوناقتارى اراسىندا سالاۋاتتى ءومىر سالتىن ناسيحاتتاۋ, ۇلت دەنساۋلىعىن جاقسارتۋ.
مارەگە جەتكەن ءاربىر قاتىسۋشىعا فينيشورلىق مەدالى تابىستالىپ, ءار جاس ساناتتاعى جەڭىمپازدار سەرتيفيكاتتارمەن جانە باعالى سىيلىقتارمەن ماراپاتتالدى.
– ۇزاق قاشىقتىققا جۇگىرۋ توزىمدىلىكتى, تىنىس الۋدى دامىتادى. سالاۋاتتى ءومىر سالتىن قالىپتاستىرىپ, ادامنىڭ دەنساۋلىعىن ارتتىرادى. داستۇرگە اينالعان «Qysqy jugiru» جارىسىنىڭ تانىمالدىلىعى ارتىپ, قاتىسۋشى ادامداردىڭ سانى ءوسىپ كەلەدى, – دەدى سپورت جانە دەنە شىنىقتىرۋ باسقارماسىنىڭ ءباسپاسوز حاتشىسى ءمادينا ايتقاليەۆا.
