Астана қаласының әкімдігі Халықаралық әйелдер күніне арналған ат спортының конкур түрінен қыздар арасында өтетін ашық біріншілікті тамашалауға шақырады. Еліміздің түкпір-түкпірінен келген шалт қимылдайтын шабандоз аруларымыз 8-ші наурыз күні «Арғымақ» ат-сауықтыру спорт кешенінде кіл мықтыларды анықтайды, деп анықтайды astana-akshamy.kz.
Көсіле шабатын сәйгүліктеріміз биіктігі мен күрделілігі бойынша сайыстың 6 бағдары бойынша сынға түседі.
Атап айтқанда, №1 маршрут «Ашық класс санаты», №2 маршрут «Жастар санаты», №3 маршрут «Әуесқойлар санаты», № 4 маршрут «4 жасар жас жылқылар санаты», №5 маршрут «5 жасар жас жылқылар санаты», №6 маршрут «6 жасар жас жылқылар санаты».
Жарыстың жалпы жүлде қоры – 6 000 000 теңге. Іс-шара Астана қаласы әкімдігінің қолдауымен және Астана қаласының Ұлттық және олимпиадалық ат спорты түрлерінің Федерациясының ұйымдастыруымен өтеді.
Өтетін күні: 8 наурыз Ашылу салтанаты: 10:00 Өтетін орны: «Арғымақ» ат-сауықтыру спорт кешені (Қарқаралы тас жолы, 1., қала маңындағы №№303, 309, 320, 323 маршруттар қатынайды)
