Жолаушылар тасымалының артуына байланысты Астана халықаралық әуежайында борттық тамақтану кешені іске қосылды.
Осы саланың технологиялық үдерістерін жақсартып, тағамның түрлерін көбейту мақсатында ашылған жаңа кешен әуежайды қайта жаңғыртудағы басты жобаларының бірі. Борттық тамақтану кешенінің ғимараты авиациялық тамақтануға қатысты халықаралық талаптарға сай келеді. Әуе кемелерінің кез келген түріне борттық тамақтануды жеткізетін алты автолифт іске қосылған. Бұл – еліміздегі айрықша замануи кейтеринг-кәсіпорын. Заманауи және жоғары технологиялық жабдықтармен қамтамасыз етілген кешенде жарты жылға дейін азық-түлік даярлайтын тағам өнімдерін сақтайтын арнаулы тоңазытқыш камералар қойылған.
«Астана халықаралық әуежайы» көрсетілетін қызметтердің сапалы әрі жоғары деңгейде болу үшін барлық жағдайды жасайды» дейді елорда әуе қақпасының қызметкерлері жаңа ғимараттың ашылу салтанатында.
Айгүл УАЙСОВА
