2014 жылдың 1 қаңтарынан бастап айрықша және зиянды өндірісте жұмыс істейтін қызметкерлерге міндетті кәсіптік зейнетақы жарналары төлене бастайды.
Сонымен қатар, жұмыс істеуші әйелдердің бала күтіміне байланысты міндетті зейнетақы жарналары 2014 жылдан бастап төлене бастайды. Бұл туралы бүгін Парламент Сенатының жалпы отырысында «Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер мен толықтырулар енгізу туралы» ҚР заң жобасы бойынша баяндама жасаған Еңбек және халықты әлеуметтік қорғау министрі Т.Дүйсенова мәлім етті.
