Жаңалықтар
«КЕЛ, ЖАСТАР, ОҚЫЛЫҚ!»
«Меga» ойын-сауық орталығында «Жас Отан» жастар қанаты Астана қалалық филиалының ұйымдастыруымен «Оқы және достарыңа тарат!» атты акция өтті.
Республикалық «Кел, жастар, оқылық!» науқаны аясында жүзеге асырылып отырған аталмыш шараның басты мақсаты – жастардың кітап оқуға қызығушылығын арттыру. Іс-шара барысында Абай Құнанбайұлының өлеңдері, Оралхан Бөкейдің «Атаукере» повесі жазылған аудиокітаптармен қатар, Эрнест Хемингуэй, Виктор Гюго, Лион Фейхтвангер, Оноре де Бальзак сынды әлемдік классиктердің 100-ден аса кітаптары тегін таратылды. Сондай-ақ, әлем әдебиетіндегі үздік шығармалардың электронды нұсқалары оқырман назарына ұсынылды.
Мәдина ЖАҚЫП