Astana qalasy äkımdıgınıŋ baspasöz ortalyǧynda ötken onlain brifingte apatty üilerdıŋ tūrǧyndaryn köşıru mäselesı talqylandy.
Aldymen söz alǧan Tūrǧyn üi jäne tūrǧyn üi inspeksiiasy basqarmasynyŋ bölım basşysy Tölegen Ahmetov «Nūrly jer» tūrǧyn üi-kommunaldyq damytudyŋ 2020-2025 jyldarǧa arnalǧan memlekettık baǧdarlamasyna säikes, elordada tūrǧyn üi qoryn renovasiialau jobasynyŋ ıske asyrylyp jatqanyn jetkızdı. Bölım basşysynyŋ mälımdeuınşe, jobanyŋ bırınşı kezeŋı 2013-2017 jyldar aralyǧynda öttı, onyŋ barysynda 228 apatty üi būzylyp, 3400-den astam otbasy jaŋa da jaily tūrǧyn üi aldy.
2018 jyldan bastap 2022 jylǧa deiıngı kezeŋge eseptelgen ekınşı kezeŋdı ıske asyru şeŋberınde 1082 päterlı 56 apatty üidıŋ tūrǧyndaryn köşıru josparlanǧan. Al 2018 jyly 86 päterlı 9 apatty jaǧdaidaǧy üidıŋ tūrǧyndary jaŋa qonystaryna köştı.
– 2019 jyly 197 päterlı 16 apatty üidıŋ tūrǧyndary Abylai han daŋǧyly men «Artem» bazary audanynda ornalasqan köppäterlı tūrǧyn üi keşenıne köşırıldı. 2020 jyly 209 päterlı 5 apatty üidıŋ tūrǧyndary Qarasai batyr köşesı men Qordai köşesınde ornalasqan tūrǧyn üi keşenıne qonystandy. Byltyr elordada 257 päterlık 8 apatty üidıŋ tūrǧyndary Abylai han daŋǧyly men Qarasai batyr köşesınıŋ boiyndaǧy jaŋa üilerge köşırıldı, – dedı
T.Ahmetov.
Qazırgı uaqytta atalǧan üilerdı fizikalyq būzu boiynşa jūmys jürgızılıp jatyr. 2018-2021 jyldary barlyǧy 749 päterlık 38 üidıŋ tūrǧyndary köşırıldı. Al aǧymdaǧy jyly Astanada 333 päterge 18 apatty üidıŋ tūrǧyndaryn köşıru josparlanyp otyr. Qala audandary äkımderınıŋ apparattarymen bırlesıp, 2023-2027 jyldarǧa arnalǧan būzu jospary qūryldy.
«Qalalyq jyljymaityn mülık» MKK-nıŋ direktory Aleksandr Strochkovtyŋ aituynşa, biylǧy 8 ai ışınde 39 äleumettık nysannyŋ qūrylysy üşın 343 menşık iesınen jalpy audany 42,7 ga qūraityn jer uchaskesı alyndy. Tölengen ötemaqynyŋ jalpy somasy 8,5 mlrd teŋgenı qūrady.
Sonymen bırge jalpy audany 14,41 ga qūraityn jer uchaskelerın alu boiynşa jūmys jürgızılıp, menşık ielerıne alynatyn jer uchaskelerınıŋ ornyna naryqtyq qūny bırdei jer uchaskelerı ūsynyldy. Būl biudjet şyǧyndaryn 4 mlrd teŋgeden artyq somaǧa ünemdeuge mümkındık berdı.
– Bügıngı taŋda Astana qalasy äkımdıgınıŋ qaulylary şeŋberınde 86 tūrǧyn üi satyp alyndy. Sonymen qatar apatty tūrǧyn üilerge jäne VL 110 kV kabel kanalyn jürgızu üşın būzuǧa jatatyn üilerge baǧalau jasau boiynşa jūmys jürgızılude. Qalǧan jyljymaityn mülık nysandaryn satyp alu qūny şamamen 10,5 mlrd teŋge qūraidy, – dedı A.Strochkov.
Sondai-aq aǧymdaǧy jyldyŋ 10 tamyzynda Astana qalasynyŋ Kölık jäne jol-kölık infraqūrylymyn damytu basqarmasyna Bişı qaiyŋ tūiyq köşesı, Syrdariia jäne Ş.Jienqūlova köşelerın keŋeitu üşın jer uchaskelerı berıldı. Äkımdıktıŋ jer uchaskelerın memleket mūqtajy üşın mäjbürlep ielıkten şyǧaru turaly qauly qabyldanyp, qarjylandyru bölıngen jaǧdaida, basqarma osy köşelerdı keŋeitu şegıne tüsetın tūrǧyn üilerdı satyp alu jäne būzu jūmysyn bastaidy.
