Astana qalasy «Janūia» otbasy institutyn qoldau ortalyǧynda «Joldau tüiını – Jaŋa Qazaqstan» taqyrybynda pıkır almasu jiyny öttı.
Is-şaraǧa qoǧam belsendılerı men köpbalaly analar jinaldy. Qalalyq Jūmyspen qamtu jäne äleumettık qorǧau basqarmasynyŋ basşysy İlia Skub jiynǧa qatysuşylarǧa memlekettık qyzmetker retınde öz pıkırın bıldırdı.
– Prezidentımızdıŋ qyrküiektegı Joldauynda köp jaŋaşyldyqtar aityldy. Elımızdegı ärbır memlekettık qyzmetker üşın Joldauda aitylǧan mäseleler jäne olardy şeşu ülken jauapkerşılık dep bılemın. Bıraq barlyǧyn memleket jasaidy dep otyruǧa da bolmaidy. Jaŋa Qazaqstandy qūru üşın barlyǧymyz bırge ıs-äreket etuımız qajet, – dedı basqarma basşysy.
Parlament Mäjılısınıŋ deputaty Äliia Äbsemetova Joldauda aitylǧan bırqatar mäselenı mysal keltıre otyryp talqylady.
– Jylda Memleket basşysynyŋ Joldauynda äleumettık mäselelerge köŋıl bölınedı. Biylǧy Joldaudyŋ erekşelıgı – Ūlttyq qordan är bala üşın 18 jasqa deiın aqşa jinalady. Mūny estıgende öz basym köpbalaly ana retınde quandym. Būl – bolaşaq ūrpaq üşın qajet qarajat. Sondai-aq äielder üşın zeinetaqy jasy 61 jasqa deiın tömendedı. Būl 2028 jylǧa deiın özgermeidı. Issaparmen auyl-aimaqqa barsaq, äielder qauymy zeinettık jastyŋ 58 jas boluyn qalaidy. Bız būl özgerıske jetemız dep oilaimyn, – dedı Äliia Äbsemetova.
Jiynǧa qatysqan qarjyger ärı sarapşy Saparbai Jobaev, Prezident janyndaǧy QSZİ jetekşı ǧylymi qyzmetkerı Mūhit Asanbaev jäne Qazaqstannyŋ eŋbek sıŋırgen qairatkerı Arailym Rahymqyzy da Joldauǧa qatysty öz pıkırlerın bıldırdı.
Baian ASYLBEKOVA
