Prezident Qasym-Jomart Toqaevtyŋ Qazaqstan halqyna Joldauyn ülken qyzyǧuşylyqpen tyŋdadym. Osyǧan orai, bır şaŋyraqtyŋ otaǧasy retınde ärı şaǧyn jäne orta biznes salasyndaǧy käsıpker retınde jeke özıme qatysty pıkırımdı qysqaşa jetkızgım keledı.
Qai kezeŋde de qoǧamnyŋ ömır süru sapasy, eŋ aldymen, ūlttyŋ bılımımen jäne densaulyǧymen baǧalanady. Elımızde 2020 jyldan bastap mūǧalımder men därıgerlerdıŋ jalaqysy 2-3 ese östı, būl osy mamandyqtardyŋ bedelın edäuır arttyryp, jastardyŋ nazaryn pedagogikalyq jäne medisinalyq mamandyqtarǧa audardy. Ülken ūlymnyŋ medisinaǧa, gendık injeneriiaǧa baru turaly şeşımıne osy salalardaǧy belsendı memlekettık saiasat äser etkenıne senımdımın.
Ekonomikany, onyŋ ışınde şaǧyn jäne orta biznestı damytuǧa keletın bolsaq, biudjetke salyqtyq jäne basqa da mındettı tölemderdıŋ jalpy sanyn azaituǧa bolady jäne azaitu qajet dep oilaimyn. Būl rette Prezident şaǧyn käsıpkerlık üşın salyqtardy azaityp qana qoimai, käsıpker men fiskaldyq organdar arasynda qolaily qarym-qatynas ornatudy ūsynyp otyr. Memleket basşysy öz Joldauynda «Salyqtyq baqylaudy tolyq sifrlandyru salyqtyq eseptılık nysandaryn 30%-ǧa qysqartady» dedı. Būl sözınıŋ de jany bar. Şyn mänınde, jeke käsıpker üşın uaqyt degen – eŋ qūndy faktor.
«Bankterdı korporativtık nesielendıruge belsendı qatysuǧa yntalandyru, käsıpkerlerge kömektesu» tarmaqtary da Prezidenttıŋ respublikadaǧy şaǧyn jäne orta biznestı damytuǧa bei-jai qaramai, būl saladaǧy qiyndyqtardy körıp, tüsınetının körsetedı. Jaqyn arada būl mäsele öz şeşımın tabady dep ümıttenemın.
Retteletın satyp alulardaǧy qazaqstandyqtardyŋ ülesın arttyru otandyq käsıpkerler üşın keremet yntalandyru ekenı belgılı. Prezidenttıŋ IT-tehnologiialar, auyl şaruaşylyǧy, kölık, su resurstary, qūrylys salalarynyŋ damuyna da erekşe köŋıl bölıp otyrǧanyn quana qūptaimyn. AES boiynşa aitarym, Qazaqstan jaŋartylatyn energetikany ornalastyru jäne damytu boiynşa ülken äleuetke ie. Sondyqtan būl jolǧy Joldauda el üşın maŋyzdy strategiialyq bastamalar aitylǧanyn atap ötkım keledı. Būl şaralar ömır süru sapasyn jaqsartuǧa, bılım beru men densaulyq salasynyŋ damuyn qamtamasyz etuge, sondai-aq käsıpkerler üşın qolaily jaǧdai jasauǧa baǧyttalǧan.
Qazaqstan myqty, innovasiialyq jäne ornyqty ūlt boluǧa ūmtylyp keledı. Bız osy Joldau mındetterı oryndalyp, qazaqstandyqtardyŋ tūrmys sapasyn arttyru, käsıpkerlıktı qoldau, infraqūrylymdy damytu, baspana mäselesın şeşu syndy tegeurındı basymdyqtar jüzege asqan jaǧdaida eldıŋ tūrmysy tüzelıp, jaǧdaiymyzdyŋ jaqsaratynyna senemız.
Mair RZAEV,
«Hazar» äzerbaijan etnomädeni
bırlestıgınıŋ töraǧasy
