Astana qalasy mäslihatynyŋ hatşysy Janat Nūrpeiısovtıŋ jeke qabyldauynda bolǧan qala tūrǧyny, zeinetker Saǧat Jūmaǧūlov №24 avtobustyŋ būrynǧy baǧdaryn qaitarudy ötındı. Hatşy osy mäselege orai Kölık jäne jol-kölık infraqūrylymyn damytu basqarmasy men «Astana LRT» JŞS ökılderınıŋ qatysuymen keŋes ötkızdı.
Ötınım bergen qariia A.İmanov köşesınde tūrady eken. Onyŋ aituynşa, būryn №24 avtobus sol köşedegı aialdamadan «Orbita» aialdamasyna deiın baryp, sol jerde toqtap, ärı qarai ketetın bolǧan. Baǧdaryn özgertkennen keiın «Orbita» aialdamasy jüru shemasynan alyndy. «Qazır
A.İmanov köşesınen «Orbitaǧa» jetu üşın avtobusqa auysyp otyruǧa tura keledı. Bırde-bır tıkelei aparatyn avtobus joq. Säikes basqarmaǧa da, «Astana LRT» kompaniiasyna da hat jazdym. Eş nätije bolmady» dep jazǧan ötınış beruşı.
Al būǧan jauapty mekemeler 2015 jyly baǧdarlar jelısın jaŋǧyrtu aiasynda keibır baǧdarlar bölınıp, keibırı oŋtailandyru maqsatynda «tüzetılgenı» jaily uäj aitty.
«Eger kez kelgen baǧdar jüru jolynda qiys kete berse, onyŋ dıttegen jerıne jetu uaqyty da ūzarady. №24 baǧdardyŋ uaqytyn qysqartu üşın atalǧan qadamǧa bardyq. Tölem kartasymen jürgen adam bır saǧattyŋ ışınde avtobusqa auysyp otyrǧanda tegın jüre alady. Mysal üşın aitqanda, jolauşylardy «A» nüktesınen «V» nüktesıne bır avtobuspen jetkızu qiyn mäsele. Bıraq bız būl mäselede äleumettık maŋyzy bar nysandardy – mektepter men auruhanalardy esepke alamyz. Būl nysandarǧa jolauşylar qinalmai jetu üşın baǧdardy qūramyz. Al «Orbita» jaqta sondai äleumettık nysandar joq. Aialdama janynda sauda üiı ornalasqan. Sondyqtan №24 baǧdardy özgertu qiyn. Qoǧamdyq kölık köpşılıkke arnalǧanyn bılesızder» dedı «Astana LRT» JŞS dispetcherleu ortalyǧynyŋ jetekşısı Bauyrjan Seiıtov.
Onyŋ aituynşa, №24 baǧdar «Öndırıs» tūrǧyn alaby halqyna qyzmet körsetetındıkten äleumettık maŋyzdy bolyp sanalady. Sondai baǧdarlar qalada ekeu ǧana – 24 pen 104. Būl baǧdarlardy küşeitu üşın «İveko» avtobustary alynyp, interval qysqartyldy. Baǧdar jolǧa qoiyldy. Būryn №24 baǧdarda 12 avtobus qyzmet körsetse, qazır 18-ge deiın köbeidı.
Alaida Janat Nūrpeiısov qariiaǧa kömektesıp, baǧdardyŋ būrynǧy shemasyn qaitarudy qarastyrudy ūsyndy.
«Būl jerde äŋgıme baǧdardyŋ shemasyn qaitaru turaly bolyp otyr. Būl shemaǧa halyq üirendı. A.İmanov köşesınde zeinetkerler köp tūrady. Olarǧa avtobusqa auysyp otyru qiyn. Onyŋ üstıne qajet baǧdarǧa auysyp mınu üşın qarttarǧa joldy kesıp ötu kerek. Ärine, būl jasy kelgen adamdarǧa qolaisyzdyqtardy tudyrady» dedı mäslihat hatşysy.
S.Jūmaǧūlov bolsa, eger baǧdar shemasyn qaitaru mümkın bolmasa, Qajymūqan köşesı aumaǧynda qosymşa aialdamany ornatudy ūsyndy. Būl jaǧdai aialdamalardyŋ arasyn qysqartady.
Kölık jäne jol-kölık infraqūrylymyn damytu basqarmasy basşysynyŋ orynbasary Älihan Quatbekov būl mäselenı qarastyruǧa uäde berdı.
«Bız baǧdarlardy qūrastyrǧanda olardyŋ jolauşylarǧa yŋǧaily boluyn oilaimyz. Eger halyq narazylyq tanytyp jatsa, onda shemalardy qaita qaraimyz. Jasyratyn eşteŋe joq, keibır avtobus parkterınde şeşılmegen mäseleler bar. Qazır būl mäseleler bırte-bırte şeşılıp kele jatyr. Bırneşe avtopark oŋtailandyryldy. Dūrys jūmys ıstemegen avtopark joiyldy. Alda da sapaǧa män bermegen osyndai avtoparktermen jūmysty toqtatatyn bolamyz. Qazır üş avtobusy ǧana qalǧan №8 avtobus parkınıŋ baǧdarlary basqa avtoparkterge berıldı. Bügınderı №2 avtoparkpen belsendı jūmys ıstep jatyrmyz. №9 avtopark avtobustarynyŋ jolǧa şyǧuy 100 paiyzǧa jettı. №24 baǧdar mäselesın de bırer aptanyŋ ışınde şeşemız» dedı Ä.Quatbekov. Janat Nūrpeiısov öz tarapynan vedomstvo basşylyǧyna būl mäselege mūqiiat qaraudy, şama kelgenşe kömek berudı sūrady.
Ötken jyldyŋ aiaǧynda qalalalyq mäslihat deputattary avtobus parkterınıŋ jūmysymen tanysqanyn aita keteiık.
