Elordadaǧy «Qazaqstan» ortalyq konsert zalynda «Qazaq handyǧy» kinoserialynyŋ ekınşı mausymdyq nūsqasy – «Altyn taq» filmınıŋ tanystyrylymy boldy. Būl tuyndy Mädeniet jäne sport ministrlıgınıŋ tapsyrysy boiynşa tüsırıldı.
Jalpy, «Qazaq handyǧy» filmınıŋ ssenariiı körnektı jazuşy Iliias Esenberlinnıŋ «Köşpendıler» trilogiiasy jelısımen jazylǧan. Auqymdy jobanyŋ avtory – Memleket basşysy Nūrsūltan Nazarbaev.
Köpşılıkke ūsynylǧan filmde Jänıbek pen Kerei handardyŋ Äbılqaiyr Şaibani ūrpaqtary arasyndaǧy Syǧanaqtaǧy taq üşın talasy baiandalady. Tarihta būl qazaq handyǧynyŋ basyndaǧy kürdelı kezeŋderınıŋ bırı bolǧany anyq. Atalǧan kino Almaty jäne Türkıstan oblystary men Taraz qalasynda tüsırıldı.
«Köp serialdy filmder turaly türlı pıkırler aityldy. Keibır adamdar jyly lebızderın bıldırdı. Degenmen, jūrtşylyq osy jobanyŋ jalǧasqanyn qalady. Būl bızge tyŋ küş berdı. Tuyndy Elbasynyŋ «Bolaşaqqa baǧdar: ruhani jaŋǧyru» jäne «Ūly dalanyŋ jetı qyry» atty maqalalarynda aitylǧan oilarymen ündesedı. Mäselen, osy kino arqyly halqymyzdyŋ ǧajaiyp mädenietın körıp, onyŋ tynys-tırşılıgıne üŋıluge bolady» dedı filmnıŋ rejisserı Rüstem Äbdıraş.
Tarihi kinonyŋ ekınşı mausymdyq nūsqasynyŋ ssenariiın jazuǧa Smaǧūl Elubai, Timur Jaqsylyqov jäne Rüstem Äbdıraş qatysqan.
Filmde Syǧanaq qalasy üşın şaiqas barynşa şynaiy beinelengen. Kerei men Jänıbek handardy oinaǧan akterler de öz rölderın sättı somdap şyqqan. Olardyŋ boiyndaǧy tektılık pen bekzattyq, batyrlyq qasietter barynşa aşylǧan. Aqyry, Şaibani ūrpaqtary jeŋılıs tauyp, Syǧanaq şahary qazaq handyǧynyŋ qolyna öttı.
«Bırınşı mausymmen salystyrǧanda būl kino äldeqaida qyzyǧyraq, dinamikasy jaǧynan da jyldam. Körermenge qyzyqty, tartymdy bolady degen oidamyz» deidı jobanyŋ prodiuserı Arman Äsenov.
Aitpaqşy, jaŋa film nauryzdan bastap el kinoteatrlarynda körsetıle bastaidy.
