Keşe Ūlttyq Bank nominaly 100, 500 teŋgelık «Este qalatyn oqiǧalar men bırtuar adamdar» seriiasy boiynşa «ABAI. 175 JYL» kolleksiialyq monetalaryn ainalymǧa şyǧardy.
Monetalardyŋ bet jaǧynda Qazaqstan Respublikasynyŋ Memlekettık Eltaŋbasy beinelengen. Eltaŋbanyŋ sol jäne oŋ jaǧynda «QAZAQSTAN RESPÝBLIKASY ∙ REPUBLIC OF KAZAKHSTAN» degen jazbalar ornalasqan. Ainaldyra ūlttyq oiu-örnek elementterı bar. Tömengı bölıgınde «TEŃGE» jazbasy jäne kümıs monetada monetanyŋ nominalyn bıldıretın «500» sany jäne melhior men neizilber monetalarynda «100» sany beinelengen.
Monetalardyŋ syrt jaǧynda Abai Qūnanbaevtyŋ müsındık portret beinesı, kümıs jäne melhior monetalarda interferensiialyq türlı-tüstı beineleu tehnologiiasyn qoldana otyryp oryndalǧan siia qūtysynyŋ jäne qalamūştyŋ stildendırılgen beinesı ornalasqan. Portrettıŋ oŋ jaǧynda – qazaqtyŋ kiız üiı (basqūr) dekory türındegı oiu-örnek taspasy, onyŋ astynda Abai Qūnanbaevtyŋ tuǧan jylyn, 175 jyldyǧyn merekeleitın kündı jäne soǧylǧan jylyn bıldıretın «1845-2020» degen jazba ornalastyrylǧan. Oŋ jaǧynda – metaldyŋ massasyn bıldıretın «31,1 g» degen jazba bar. Monetanyŋ joǧarǧy bölıgınde «175» jäne «JYL» degen jazba bar. Sol jaq bölıgınde ūlttyq oiu-örnek elementı, kümıs monetada moneta daiyndalǧan metaldy jäne onyŋ synamyn bıldıretın «Ag 925» degen jazba bar. Monetanyŋ tömengı bölıgınde latyn grafikasynda «ABAI» degen jazba bar.
