Nūr-Sūltan qalasynda «Adal jürek» qaiyrymdylyq marafony ūiymdastyryldy. Būl ıs-şaraǧa 1500-den asa astanalyqtar men qala qonaqtary qatysty.
«Astana – adaldyq alaŋy» jobalyq keŋsesı QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departamentı jäne Nūr-Sūltan qalasy Mädeniet jäne sport basqarmasymen bırlesıp ötkızgen qaiyrymdylyq jügıruge qatysuşylardan erıktı tüsken jarna qarajaty onkologiialyq auruǧa şaldyqqan balalardyŋ emdeluıne jūmsalatyn bolady. Qaiyrymdylyq şaraǧa qatysqan QR Mädeniet jäne sport ministrlıgı Sport jäne dene şynyqtyru ısterı komitetınıŋ basşysy, Olimpiada oiyndarynyŋ chempiony Serık Säpiev qatysuşylarǧa sättılık tılep, osyndai ızgılıkke baǧyttalǧan sporttyq şaralarǧa qoldau bıldıretının aitty. Al Nūr-Sūltan qalasy äkımınıŋ orynbasary Baqtiiar Mäken «Kömekke zäru balalardyŋ müddesın közdeitın osyndai ıs-şaralardy ūiymdastyrǧanymyz – būl bızdıŋ ülken jeŋısımız. Nūr-Sūltan qalasynyŋ äkımdıgı osyndai maqsatty közdeitın qoǧamdyq bastamalardy qoldaidy ärı kömek körsetuge äzır ekenın aitqym keledı. Balalardyŋ külkısı men olardyŋ bolaşaqqa degen senımı bärınen qymbat. Sondyqtan bastama köteruşıler men ūiymdastyruşylarǧa rizaşylyǧymyzdy bıldıremız» dep tılegın jetkızdı.
Al jügıruge qatysqandar arasynda 68 jasar Nūrǧali Narabaev pen 64 jastaǧy İrina Mūstafinaǧa köpşılık qūrmet bıldırdı. 6 jastaǧy Äziza men 5 jastaǧy Asadolla da qaiyrymdylyq jasauşylardyŋ qatarynan körındı.
