Adam öz qūqyn jaqsy bıluı tiıs
Almaty audandyq sotynda Azamattyq ıs jürgızu kodeksınıŋ jaŋa jobasyn talqylauǧa arnalǧan jiyn öttı.
Basqosudy Astana qalasy Almaty audandyq sotynyŋ töraǧasy Ǧ.Näsırdınov aşyp, azamattyq ıs jürgızu qūqyǧy sot törelıgıne qoljetımdılıktı, azamattyq sot ısın jürgızuge qatysuşylardyŋ qūqylaryn barynşa ıske asyrudy, jeke adamnyŋ būzylǧan qūqylary men bostandyqtaryn, qoǧam jäne memleket müddelerın uaqtyly qorǧauǧa jäne qalpyna keltıruge baǧyttalatynyn aitty.
Jiyn barysynda Almaty audandyq sotynyŋ sudialary S.Qūrmanbekova men M.Qasymova azamattyq ıs jürgızu kodeksınıŋ jobasy azamattarǧa sot qorǧauynda öz qūqylaryn neǧūrlym tolyq jüzege asyruǧa mümkındık berıp, ädıl sot törelıgın qamtamasyz etudıŋ joldary men täsılderın aiqyndap, ädıldık, zaŋdylyq, beitaraptyq ūstanymdaryn normativtık-qūqyqtyq tūrǧyda ornyqtyruǧa jäne azamattyq ısterdı sotta qaraudyŋ üzılıssız prinsipın qalyptastyruǧa negız bolatynyna toqtaldy.
Talqylau barysynda sudialyqqa taǧylymdamadan ötuşıler men Qazaqstan Respublikasy Prezidentınıŋ janyndaǧy Memlekettık basqaru akademiiasy sot törelıgı institutynyŋ magistranttary zaŋ jobasymen tanysyp, öz oi-pıkırlerın bıldırdı.
Äsel ŞULANBAEVA