Būdan bylai qala tūrǧyndary men qonaqtary qalalyq avtobus salondarynda mobildı internettı tolyq paidalana alady. Osyǧan bailanysty keşe qoǧamdyq kölıktı internetpen jabdyqtau jönındegı «Wi-Fi Bus Astana» resmi tanystyrylymy öttı dep habarlaidy qala äkımınıŋ baspasöz qyzmetı.
Joba aiasynda bügınde 400 qoǧamdyq kölıkte «WiFi» jelısı ıske qosyldy. Şıldenıŋ soŋyna deiın elordanyŋ barlyq avtobus parkın internetpen qamtu josparlanǧan.
– Astana künı qarsaŋynda qala äkımdıgınıŋ tapsyrmasymen «Wi-Fi Bus» jobasyn ıske qosamyz. Elbasy Astanany älemnıŋ 50 aqyldy qalasynyŋ qataryna engızu jönınde tapsyrma berdı, osyǧan bailanysty aqyldy qala bırınşı kezekte qala tūrǧyndary men qonaqtaryna qolaily jaǧdai jasauda. Bügıngı taŋda halyqtyŋ zamanaui ömır süru ürdısı kez kelgen jerde joǧary jyldamdyqty mobildı internettı qajet etedı. Osyny eskere otyryp, qala äkımdıgı jüielı türde qalanyŋ qoǧamdyq oryndarynda inernettıŋ qoljetımdılıgın qamtamasyz etu şaralaryn qolǧa aldy, – dedı «Astana Innovations» AQ basqarma töraǧasy Ältaiyr Uyzbaev.
Jobany Astana äkımdıgınıŋ qoldauymen «Beeline Qazaqstan» kompaniiasy jüzege asyryp otyr. Joba serıktesterı – «Astana Innovations» AQ innovasiialyq damu operatory jäne «Astana LRT» JŞS elordanyŋ kölık infraqūrylymyn damytu operatory.
Atalǧan joba elordada «aqyldy qala» tūjyrymdamasyn engızudıŋ taǧy bır kezeŋı bolyp tabylady. «Astana LRT» basqarma töraǧasy Talǧat Ardannyŋ aituynşa, «WiFi Bus» jobasy Astanada elordanyŋ kölık jüiesın keşendı türde jaŋǧyrtu aiasynda jüzege asyryluda.
– Qala äkımdıgı men bırınşı kezekte Jolauşylar kölıgı jäne avtomobil joldary basqarmasy bırıgıp qozǧalys qūramyn jaŋartu jönınde josparly jūmystar jürgızedı, iaǧni, paidalanu talaptaryna sai kelmeitın eskı avtobustar qoldanystan şyǧarylyp, infraqūrylym jaŋartylady, – dedı Talǧat Ardan.
«Wi-Fi Bus» jobasy 2013 jyly qolǧa alynǧan edı. Sodan berı elımızdıŋ Qostanai, Kökşetau, Qaraǧandy, Qyzylorda, Petropavl, Türkıstan, Oral jäne Almaty siiaqty segız qalasynda ekı jüzge juyq avtobus Wi-Fi jelısımen qamtyldy.
