Oquşylar saraiynda «Menıŋ «EXPO-2017» körmesıne qosar ülesım. Qazaqstan ekonomikasyn özımnıŋ bolaşaq käsıbım arqyly «jasyldandyrudyŋ» joldary» atty esse baiqauynda jeŋımpaz atanǧan qaladaǧy mektep, kolledjderdıŋ on bes tülegın marapattau räsımı öttı.
Būl baiqau «Astana EKSPO-2017» ūlttyq kompaniiasy «MyChina» bılım beru ortalyǧymen yntymaqtasa otyryp, QR Bılım jäne ǧylym ministrlıgınıŋ qoldau körsetuımen ūiymdastyrylǧan edı. Atalǧan baiqau 1 säuır men 1 mamyr aralyǧynda ötkızıldı.
Ūiymdastyruşylar bır ai ışınde 2000-ǧa juyq mekteptı aralap, osy uaqyt aralyǧynda 654 ötınış qabyldaǧan. Onyŋ ışınde baiqau talaptaryna jauap beretın 445 jūmys taŋdalynyp alynyp, qazylar alqasyna ūsynylǧan.
Oquşylar essenı «EXPO» körmesın ötkızudıŋ menıŋ elım üşın maŋyzdylyǧy», «Qazırgı zamanǧy älem üşın «jasyl tehnologiialardyŋ» maŋyzdylyǧy» jäne «Menıŋ käsıbım jäne Qazaqstannyŋ industriialyq-innovasiialyq damuyna menıŋ qosar ülesım» taqyrybynda jazdy.
Baiqau komissiiasy ekı apta boiy jūmystardy qarap, qatysuşylardyŋ esse taqyrybyn qanşalyqty tereŋ ärı naqty aşyp körsete alǧanyna baǧa berdı. Jeŋımpazdar qatarynda mekteptegı türlı pänder boiynşa halyqaralyq jäne respublikalyq Olimpiadalardyŋ jüldegerlerı, şyǧarmaşylyq baiqaulardyŋ laureattary, ǧylym jobalardyŋ avtorlary boldy. Irıkteu kezınde olarǧa aitarlyqtai män berıldı.
Nätijesınde, essenı sättı jazǧan on oquşyǧa Qytaidyŋ Tau-ken ısı jäne tehnologiialar universitetınde oquǧa grant berıldı. Al, bes oquşy Milandaǧy «EKSPO» körmesıne baruǧa joldama aldy. Sondai-aq, «Transtelekom» kompaniiasy da qatysuşylarǧa estelık syilyqtar tapsyrdy.
Jaqsy SÄTŪLY
