ÄDILBEK JAQSYBEKOV – «NŪR OTAN» PARTİIаSY ASTANA FİLİALYNYŊ TÖRAǦASY
Elordada «Nūr Otan» partiiasy töraǧasynyŋ Bırınşı orynbasary Bauyrjan Baibektıŋ qatysuymen partiianyŋ Astana qalalyq filialynyŋ HIH eseptık-sailau konferensiiasy öttı.
Konferensiiada elorda äkımı Ädılbek Jaqsybekov partiianyŋ Astana qalalyq filialynyŋ töraǧasy bolyp sailandy.
Ädılbek Jaqsybekov körsetken senımderı üşın partiialastaryna rizaşylyǧyn bıldırıp, elordadaǧy partiialyq ūiymnyŋ töraǧasy retınde oǧan zor jauapkerşılık jüktelıp otyrǧanyn atap öttı.
«Partiiada jaŋa saiasi tehnologiialarmen jauapkerşılıkke yqpal etudıŋ aqparattyq täsılderı pysyqtaluy tiıs. Partiiaaralyq pıkırtalas bız üşın normaǧa ainaluy qajet jäne bız yntymaqta boluǧa ūmtyluymyz kerek» dedı Ädılbek Ryskeldıūly.
Sondai-aq, qala äkımı Memleket basşysynyŋ «Nūrly Jol – bolaşaqqa bastar jol» Joldauyndaǧy tapsyrmalardy partiialyq qūrylymdar arqyly tiianaqty oryndauǧa airyqşa män beru kerek ekenın aitty.
Būdan bölek, Astana qalalyq Saiasi keŋesınıŋ jaŋa qūramy anyqtaldy. Jaŋa qūramǧa memlekettık qyzmet, bılım beru men ǧylym, mädeniet, densaulyq saqtau salalarynyŋ ökılderı, salalyq ekonomika men qyzmet körsetu käsıporyndarynyŋ jūmysşylary, sondai-aq, azamattyq qoǧam belsendılerı men «Jas Otan» jastar qanatynyŋ müşelerı sailandy.
Al «Nūr Otan» partiiasy töraǧasynyŋ bırınşı orynbasary Bauyrjan Baibek: «Partiia köşbasşysynyŋ jetekşılıgımen täuelsızdıgımızdı nyǧaituǧa öz ülesımızdı qosatynymyzǧa senımdımın. Būl – bızdıŋ saiasi doktrinamyzda aitylǧan basty jetıstık. «Nūrly Jol» jaŋa ekonomikalyq saiasaty älemdegı eŋ damyǧan 30 eldıŋ qataryna qosyluǧa qarqyndy qadam jasauǧa jaǧdai tuǧyzady. «Nūr Otan» partiiasynyŋ maqsaty – bırlıktı, kelısımdı, qoǧamdyq tūraqtylyqty qamtamasyz etu» dei kelıp, partiianyŋ astanalyq filialyna ülken jauapkerşılık jüktelıp otyrǧanyna erekşe toqtaldy.
Sonymen qatar, konferensiiada «nūrotandyqtar» partiianyŋ Saiasi keŋesınıŋ keŋeitılgen otyrysynda qabyldanǧan 2015-2025 jyldarǧa arnalǧan sybailas jemqorlyqqa qarsy ıs-qimyl baǧdarlamasynyŋ jüzege asyryluyn talqylady.
Partiianyŋ sailaualdy tūǧyrnamasynyŋ oryndalu nätijesıne köz jügırtsek, Astanadaǧy jūmyssyzdyq deŋgeiı jyl ötken saiyn tömendep keledı. Biylǧy jyldyŋ ekınşı toqsanynda būl körsetkış 0,3%-ǧa tömendep, 5,2%-dy qūraǧan. Al säbilerdıŋ şetıneuı 21,4%-ǧa tömendep, qazır 100 myŋ balaǧa 7-den keledı. Şaǧyn jäne orta biznes subektılerınıŋ sany da ösu üstınde. Aldyŋǧy jylmen salystyrǧanda, olar 4,3%-ǧa artyp, barlyǧy 9 076 subektını qūrap otyr. Bügıngı künı 903,6 myŋ şarşy metr tūrǧyn üi paidalanuǧa berılıp, būl körsetkış aldyŋǧy jylmen salystyrǧanda 4,5%-ǧa joǧarylaǧan.
Nūrislam QŪSPANǦALİ