Aǧartuşy esımı berıledı
![](https://astana-akshamy.kz/wp-content/uploads/2021/10/67f7a0587053c9c77c41433d90823957_l-1.jpg)
Elordada №83 mektepke Ybyrai Altynsarin atauy berıledı. Būl jaŋalyqty Nūr-Sūltan qalasy äkımınıŋ orynbasary Ashat Oralov mälım ettı.
«Biyl elordada ūstazdar künı qarsaŋynda ūlt ūstazy Ybyrai Altynsaringe biust aşyldy. Saltanatty şaraǧa ziialy qauym ökılderı qatysty. Qazırgı taŋda onomastikalyq komissiia otyrysynda qaladaǧy №83 mektepke Ybyrai Altynsarin atauyn berudı qarastyryp jatyrmyz. Ärine, zaŋ aiasynda jüzege asatyn prosess, sondyqtan uaqyt talap etıledı. Onyŋ üstıne şeşımdı tek äkımdık qana qabyldamaidy, jūrtşylyqpen aqyldasyp şeşıledı. Onomastika komissiiasy qūramynda memlekettık organ ökılderınen bölek, qoǧam qairatkerlerı, ziialy qauym, ükımettık emes ūiym ökılderımen qosa belsendı azamattar bar» dedı A.Oralov.
Mektepke aǧartuşynyŋ esımın beru şeşımı osy aidyŋ soŋynda nemese qaraşanyŋ basynda şyǧady. «Mektepke Ybyrai atamyzdyŋ atyn beru bastamasyn bärı bırauyzdan qoldaidy dep oilaimyn. Tūlǧanyŋ ūlttyq bılım salasyna sıŋırgen eŋbegı men qaldyrǧan mūrasy barşamyzǧa aian» dedı elorda äkımınıŋ orynbasary.