Botanikalyq baqta jüregın donor etken jandardyŋ qūrmetıne arnaiy installiasiia ornatyldy. Jaŋa installiasiianyŋ resmi atauy «Syi» dep atalady.
«Elordamyzda adam ömırınde maŋyzdy jaittarǧa qatysty jaŋa dünieler paida bolyp jatqanyna quanyştymyz. Maǧynasy tereŋ ärı kerek joba dep oilaimyn. Adamǧa oi salady. Bır jaǧynan ömırdı baǧalau kerektıgın eske salsa, ekınşı jaǧynan donor bolu adamgerşılıktıŋ belgısı ekenın körsetıp otyr. Äkımdık tarapynan osy sekıldı qoǧam üşın maŋyzdy jobalar men şaralardy qoldauǧa ärdaiym daiynbyz. Joba avtory men ony jüzege asyrǧan jandarǧa alǧysymdy bıldıremın» dedı art-nysannyŋ aşyluyna qatysqan Nūr-Sūltan qalasy äkımınıŋ orynbasary Ashat Oralov.
Jürek donorlarynyŋ qūrmetıne qoiylǧan art-nysan QR Ūlttyq ǧylymi kardiohirurgiia ortalyǧynyŋ «Jürek ortalyǧy» qorynyŋ bastamasymen jüzege asyryldy.
«Art-nysandy elorda törınde aşu turaly ideiany bızdıŋ ūjym köterdı. Būl – jürekterın donor etken jandar men olardyŋ jaqyndaryna degen qūrmettıŋ belgısı. Öitkenı donor bolu jürektıŋ qalauy jäne oŋai şeşım emes. Donor bolu – qaiyrymdy ıs, būl jerde paida köru degen sekıldı jeke müdde közdelmeuı tiıs. Tuyndyny körgen adamdar bıle jürsın degen maqsatymyz da bar, öitkenı jüregın donor etken jandar özge bıreudıŋ ömırın qūtqardy» deidı QR Ūlttyq ǧylymi kardiohirurgiia ortalyǧynyŋ basqarma töraǧasy Iýrii Pia.
«Art-nysan jasau ideiasyn maǧan «Jürek ortalyǧy» ūsyndy. Ūsynysty quana qabyl aldym. Özderıŋızge aian, jürek – adamnyŋ basty aǧzasy. Bırneşe eskiz jasap ūsyndym, sonyŋ ışınen osy installiasiiany taŋdap aldy. Art-nysan jürek formasynda trostan jasalǧan. Qyzyǧy sol, tuyndyny ärkım ärqalai qabyldap jatyr, bıreu jürek formasynda dese, ekınşısı şamǧa ūqsatyp jatyr» dedı joba avtory Eduard Kazarian.
