Bügın Qazaqstan Respublikasynyŋ Memlekettık hatşysy G.N.Äbdıqalyqovanyŋ töraǧalyq etuımen Qazaqstan Respublikasy Prezidentınıŋ janyndaǧy Äielder ısterı jäne otbasylyq- demografiialyq saiasat jönındegı Ūlttyq komissiianyŋ kezektı otyrysy öttı.
Otyrysta Memleket basşysynyŋ «Nūrly jol – bolaşaqqa bastar jol» atty Joldauyn ıske asyru aiasynda elımız ekonomikasynyŋ industriialyq-innovasiialyq damuyna äielderdıŋ qatysuyn arttyru mäselelerı qaraldy.
Ūlttyq ekonomika, İnvestisiialar jäne damu ministrlıkterınıŋ basşylary özderınıŋ söilegen sözderınde industriialandyru baǧdarlamasynyŋ bırınşı besjyldyǧynda 770 joba ıske qosylǧanyn atap öttı. Būl jobalarǧa 63 myŋ adam tartylsa, onyŋ 18 myŋy (29%) äielder. Tūtastai alǧanda, äielderdıŋ elımızdegı IJÖ-ge ülesı şamamen 40% jetedı.
Ūlttyq komissiia töraiymy Gülşara Äbdıqalyqova äielderdıŋ el ekonomikasyndaǧy sanyn arttyrudyŋ maŋyzyna toqtalyp, Halyqaralyq valiutalyq qor sarapşylarynyŋ pıkırınşe, «Eŋbek naryǧyna äielder barynşa köp şyqqan saiyn, älemdık IJÖ meiılınşe ösetın bolady. Bır qatar elderde näzık jandylar ekonomikanyŋ ösuın 30%-ke jedeldetuge qabılettı» – ekenın atap körsettı.
Otyrysta sondai-aq, memlekettık organdardyŋ strategiialyq josparlarynyŋ genderlık aspektılerı, Astana, Almaty qalalary men oblystar aumaqtaryn damytu baǧdarlamalary, Soltüstık Qazaqstan oblysy äkımdıgınıŋ öŋır halqynyŋ reproduktivtı densaulyǧyn saqtau boiynşa qoldanylyp jatqan şaralary qaraldy. Gülşara Äbdıqalyqova halyqtyŋ qalypty ösuın jäne jalpy ömır sapasyn arttyru üşın reproduktivtı densaulyqty saqtau men nyǧaitudyŋ maŋyzdylyǧyn atap öttı.
Sonymen qatar, otyrysqa qatysuşylar «Äiel densaulyǧy» atty elordalyq medisinalyq ortalyqtyŋ jūmys täjıribesımen tanysty. Ortalyq jetekşısı, professor Rauşan Rahymjanova Ūlttyq komissiia müşelerınıŋ nazaryn onkologiialyq aurular reitingınde äielderdıŋ jaŋadan bastalǧan qaterlı süt bezderı auruynyŋ 1-orynǧa şyqqanyna audardy. Ol Ortalyqta äielder auruynyŋ reproduktivtı kezeŋdegı bastapqy diagnostikasyna qazırgı zamanǧy säulelı ädıster qoldanylatynyn, mūnyŋ syrqatty der kezınde anyqtap, reproduktivtı densaulyqty saqtauǧa mümkındık tuǧyzatynyn atap öttı.
Talqylau qorytyndysy boiynşa Ūlttyq komissiia memlekettık organdardyŋ ortalyq jäne jergılıktı organdaryna äielderdıŋ elımızdıŋ industriialyq-innovasiialyq damuyna qatysu belsendılıgın arttyru, genderlık teŋdıktı jäne halyqtyŋ reproduktivtı densaulyǧyn saqtauǧa qol jetkızuge baǧyttalǧan tiıstı ūsynymdar äzırledı.
