Q.Quanyşbaev atyndaǧy memlekettık akademiialyq qazaq muzykalyq drama teatrynda Saryarqa audany äkımdıgınıŋ ūiymdastyruymen «Arqa äuenderı» atty konsert öttı. Qazaq handyǧynyŋ – 550, Ūly Jeŋıstıŋ – 70 jäne Qazaqstan halqy assambleiasynyŋ 20 jyldyǧyna arnalyp ūiymdastyrylǧan konsertte dostyq jäne maidan änderı şyrqalyp, el tarihynan syr şertetın küiler oryndaldy.
Konsert baǧdarlamasynda Bäkır Täjıbaevtyŋ «Tuǧan jer», Asan qaiǧynyŋ «El aiyrylǧan», Qadyr Myrza Älınıŋ «Qazaq osy» şyǧarmalary dombyranyŋ süiemeldeuımen oryndalyp, «Soǧysqa ketken aǧanyŋ qoştasu haty» monology oqyldy. QR Mädeniet qairatkerı, «Qūrmet» ordenınıŋ iegerı, küişı, kompozitor, öner zertteuşısı Qaiyrjan Maqanov handar tarihyna
şolu jasap, ardagerlerdıŋ erlıgın därıptep, tyŋ mälımetterımen bölıstı.
Keş soŋynda Saryarqa audany ardagerler keŋesınıŋ töraǧasy Ǧabbas Ahmetov söz söilep, jinalǧan qauymdy
Ūly Jeŋıs merekesımen qūttyqtady. Merekelık konserttı tartu etken «Arqa äuenderı» än-küi ūjymynyŋ jetekşısı Kenjetai Janūzaqova atalmyş şarany ūiymdastyruǧa qoldau körsetken Astana qalasy Mädeniet basqarmasynyŋ basşysy Bolat Majaǧūlovqa alǧysyn bıldırdı.
Gülnär JŪPARBEK,
L.Gumilev atyndaǧy
Euraziia ūlttyq universitetınıŋ studentı
