EL TAǦDYRY – MENIŊ TAǦDYRYM
Astanada «Elımnıŋ taǧdyry – menıŋ taǧdyrym!» atty XVI Qazaqstan halqy dostyǧynyŋ festivalı öttı. Assambleianyŋ 20 jyldyǧy aiasynda ūiymdastyrylǧan merekelık baiqauǧa 19 ūlttyq mädeni ortalyqtyŋ öner ūjymdary qatysty.
Elordada tūryp jatqan barlyq ūlt ökılderınıŋ ana tılınde erkın şyǧarmaşylyqpen ainalysuǧa jaǧdai jasauǧa, tuǧan mädenietke süiıspenşılık pen qūrmet sezımın tärbieleuge, eŋ bastysy, qazaqstandyq patriotizmdı nasihattauǧa baǧyttalǧan festivalda ümıtkerler jetı janr boiynşa öz önerlerın ortaǧa saldy. Dästür boiynşa qalalyq mädeni ortalyqtardyŋ müşelerı än salyp, ūlttyq aspaptarda oinap, bi biledı.
Qala tūrǧyndaryna jaqsy tanys «Stokrotka», «Laduşka», «Stanichki» toptary jaŋa baǧdarlamasymen tanystyrdy. Körkemsöz oqudan «Radima» belarus mädeni ortalyǧynyŋ ökılı Maksim Kolchanav, «Zlata» bolgar mädeni ortalyǧynan Olga Andrievskaia, «Obereg» ukrain mädeni ortalyǧynyŋ müşesı Aleksandr Bakaliarik üzdıkter qatarynan körındı.
Qalalyq «Vozrojdenie» nemıster qoǧamynyŋ ökılı festival jeŋımpazy Konstantin Ermolenko äserımen bölısıp: «Men būl festivalǧa törtınşı ret qatysyp otyrmyn. Festival öte qyzyqty. Öner jarysyna elordalyq etnomädeni ortalyqtardyŋ barlyq ökılderı jinalady. Men üşın Assambleia – ülken bır otbasy, beibıtşılık, tatulyq pen mahabbat ornaǧan ülken üi. Ärbır etnomädeni ortalyqtyŋ basqalarǧa özderınıŋ salt-dästürlerın körsete alatyny öte quanyşty» dedı.
Festival qorytyndysynda barlyq jeŋımpazdar men qatysuşylarǧa diplomdar men baǧaly syilyqtar tartu etıldı.
Aigül UAISOVA