Nūr-Sūltan qalasy komendaturasynyŋ baspasöz qyzmetınıŋ mälımetınşe, elordada täulık ışınde 177 adam tötenşe jaǧdai rejimın būzǧanyna bailanysty olarǧa qatysty QR ÄQBtK-nıŋ 476-baby boiynşa äkımşılık ıs qozǧaldy. Prosessualdyq şeşımdı sot qabyldaidy.
– Elordadaǧy jaǧdai tūraqty. Tüngı saǧat 23.00-den bastap taŋǧy 07.00-ge deiın komendanttyq saǧat jalǧasuda. Qala perimetrı boiynşa 6 blokbeket täulık boiy jūmys ısteude. Bır täulıktıŋ ışınde qalada 9 qylmys tırkeldı. 74 jol-kölık oqiǧasy oryn alyp, ekı adam jaraqat aldy. «102» arnasyna 1 732-den astam qoŋyrau tüsken. Olardyŋ köbı – anyqtamalyq sipattaǧy habarlamalar. Qala tūrǧyndaryn aua raiyna bailanysty tas joldyŋ jaǧdaiy, blokbeketterdıŋ jūmysy, sondai-aq qūqyq būzuşylyq turaly mäseleler qyzyqtyruda, – dep atap ötedı komendaturadan.
