ALAŊDA – ASTANALYQ JURNALİSTER
Bailanys jäne aqparat salasy qyzmetkerlerınıŋ meiramyna orai Astanada Q.Mūŋaitpasov atyndaǧy ortalyq stadionda şaǧyn futboldan turnir öttı.
Merekelık şaraǧa «Kazsport», «Habar», «Qazaqstan» telearnalarynyŋ, «Astana aqşamy», «Egemen Qazaqstan» gazetterınıŋ, sondai-aq, «Qazkontent», «Jurnalister üiı», «Qazaqparat» agenttıgınıŋ, «Qazmedia ortalyǧynyŋ», «Körkem» studiiasynyŋ, Astana qalasy Işkı saiasat basqarmasynyŋ, «Qazaq radiosy» jäne «National Geographic Qazaqstan» ūiymdarynyŋ ökılderı şeberlık synasty.
– Qūrmettı ärıptester, sızderdı Bailanys jäne aqparat salasynyŋ qyzmetkerlerı künımen şyn jürekten qūttyqtaimyn. Sızderdıŋ belsendı azamattyq ūstanymdaryŋyz – obektivtılıkterıŋız ben jaŋalyqqa, aqiqatty anyqtauǧa degen ūmtylystaryŋyz – käsıpterıŋızdıŋ erekşe qasietı. Bız BAQ ökılderımen dostyq ärıptestık qarym-qatynasymyzdy joǧary baǧalaimyz. Barşaŋyzǧa tabys pen jaŋa şyŋdardan körınudı tıleimın, ärqaşan közdegen maqsattaryŋyzǧa jetıŋızder, – dedı qalalyq Işkı saiasat basqarmasynyŋ basşysy Erlan Kanalimov.
Jerebe tastalǧannan keiın komandalar tört şaǧyn topqa jıkteldı. Stadion alaŋy ekıge bölınıp, bır uaqytta ekı komandadan jarysty. Är taim 10 minutqa sozyldy. Tartysty ötken turnirde «Qazaq radiosynyŋ» jurnalisterı bas jüldenı jeŋıp aldy.
– Bügıngı mereke qarsaŋynda barlyq jurnalister öz jūmysynyŋ qorytyndysyn şyǧardy. Jarysqa 13 komanda qatysty. Osyndai ıs-şaralardyŋ arqasynda bızder – jas jurnalister ülgı alyp, käsıbi tūrǧydan ösemız. Bärıne de sättılık tıleimın, kelesı merekede kezdeskenşe, – dedı «Qazaq radiosynyŋ» diktory Dosymjan Ermūrat.
Jarysta kümıs jülde «Habar» telearnasynyŋ, al qola jülde «Qazaqstan» telearnasynyŋ ūjymyna būiyrdy. «Qazaqparat» halyqaralyq aqparat agenttıgı törtınşı oryndy enşıledı. Jüldelı oryn alǧan komandalar baǧaly syilyqtarmen marapattaldy.
Botagöz MARATQYZY