Ortalyq kommunikasiialar qyzmetınde ötken brifingte Astanaǧa jūmys saparymen kelgen Halyqaralyq körmeler biurosynyŋ Bas hatşysy Visente Lossertales elımızdıŋ «EKSPO-2017»-ge daiyndyq jūmystaryna rizaşylyǧyn bıldırıp, osy qarqyn bäseŋdemese, Qazaq elı ülken jetıstıkterge jetetının mälımdedı.
«EKSPO» mamandandyrylǧan körmesın ötkızu arqyly Qazaq elı özınıŋ ūlt retındegı erekşelıgı men qol jetkızgen tabystaryn älem aldynda aişyqtauǧa ülken mümkındık alyp otyrǧanyn aitqan Lossertales myrza būl aituly şara memlekettıŋ äleumettık-ekonomikalyq ahualyna oŋ äser etetının jetkızdı. Körmenı ötkızgen köp elderdıŋ älem aldyndaǧy abyroi-bedelı asqaqtap qana qoimai, memlekettık maŋyzdy jobalarǧa investisiiany köptep tartuǧa mümkındık alǧan. Demek, būl halyqaralyq şara qazaq elıne de tolaiym tabystar äkeletınıne Bas hatşy senım bıldırdı. Bügınde aqparat keŋıstıgınde «Jas memlekettıŋ jahandyq körmenı ötkızuge qauqary jete me?» degen küdıktı pıkırler guıldep tūr. Būǧan da Visente Lossertales öz jauabyn berdı: «Qazaqstannyŋ «EKSPO» körmesın joǧary deŋgeide alyp şyǧuyna tolyq jaǧdaiy bar. Būǧan deiın talai halyqaralyq şaralardy abyroimen atqaryp jürgen Qazaq elıne bız kämıl senemız. Kerek kezınde qol ūşyn beruge äzırmız. Al būǧan küdıkpen qaraityndar – Qazaqstandy
jete tani qoimaǧandar».
«EKSPO»-ǧa bailanysty atqarylyp jatqan daiyndyq şaralarymen bastan-aiaq tanysyp şyqqanyn aita kele Bas hatşy 2017 jyly ötetın körmenıŋ arhitekturalyq josparyna özgerıs engızu qajettıgıne toqtaldy. Onyŋ aituynşa, «EKSPO» – bır kündık şara emes. Ol – bükıl bır eldıŋ äleumettık-ekonomikalyq damuyna sony serpın beretın ärı sol elmen bırge mäŋgılık qalatyn ırgelı dünie. Sondyqtan arhitekturalyq şeşımnıŋ ärqaisysy äbden zerdelenıp baryp qabyldanuy kerek. Bekıtılgen talaptar men şeberlık josparyna jan-jaqty sai boluy tiıs.
Būdan keiın söz alǧan «Astana EKSPO – 2017» ūlttyq kompaniiasy» AQ basqarma töraǧasy Talǧat Ermegiiaev «EKSPO» qalaşyǧynyŋ alǧaşqy qadasy biylǧy säuır aiynda qaǧylatynyn aitty. 174 ga aumaqty alatyn alyp keşendı saluǧa bırneşe qūrylys kompaniiasy jūmylatyn bolady. Bas merdıger äzırşe anyqtalǧan joq. Bıraq ırıkteu jürıp jatyr eken. Talǧat Amangeldıūly qalaşyqtyŋ törınde etnoauyl boi köteretının, mūnda qazaq halqynyŋ mädenietı men tarihynan syr şertetın körınıster beinelenetının tılge tiek ettı.
Sonymen, biylǧy 11 mausym – elımız üşın maŋyzdy kün. Osy künı 2017 jylǧy körme Astanada ötetını Halyqaralyq körme biurosynyŋ Bas assambleiasynda resmi türde moiyndalyp, «EKSPO» Tuy saltanatty türde Qazaq elıne tapsyrylady.
Qymbat NŪRǦALİ
