Memleket basşysy Almaty qalasy men Almaty oblysyna jūmys saparyn qorytyndylap, mälımdeme jasady.
– Almaty qalasy äkımdıgı jūrtşylyqpen bırlesıp, infraqūrylymdy jüielı türde jaqsartuǧa, tūrǧyndardyŋ jaily ömır süruı üşın jaǧdai jasauǧa baǧyttalǧan jūmystardy tabysty atqaryp jatqanyn atap ötkım keledı. Panfilov, Jıbek joly köşelerıne keşendı qaita jöndeu jürgızıldı. Jaiau jürgınşılerdıŋ seruendeuıne arnalǧan alaŋdar jasaqtaldy. Sondai-aq, qalany kögaldandyru, aryq jüiesın tolyq jetıldıru jönındegı jūmystardy jalǧastyru qajet. Qalada ekı audan – Alatau jäne Nauryzbai audandary qūryldy. Biznespen ainalysu üşın qajettı jaǧdailar jasaldy. Qazır mūndaǧy käsıpkerlerdıŋ belsendılıgı arta tüstı.
Jalpy, Almaty ırı ekonomikalyq ortalyq retınde qalyptasyp, elımızdıŋ älemdık deŋgeidegı zamanaui megapolisıne ainaldy. Täuelsızdık jyldarynda qala ekonomikasy qarqyndy türde ösıp, joǧary körsetkışterge jettı. Maǧan ūsynylǧan mälımetterge säikes, bügınde Almaty ekonomikasynyŋ kölemı Gruziianyŋ ışkı jalpy önımınen 2 ese, al Qyrǧyzstan men Täjıkstannan 5 esedei artyq. Būl – tek qalanyŋ ǧana emes, jalpy elımızdıŋ tabysty damuynyŋ körsetkışı. Qazır Almaty respublikalyq biudjettıŋ donory bolyp sanalady. Ol respublika boiynşa şaǧyn jäne orta biznestı damytudyŋ üzdık körsetkışterıne qol jetkızıp otyr, – dedı Elbasy.
Būdan bölek, Elbasy Almaty oblysynda da köp jūmystardyŋ atqarylyp jatqanyn atap öttı. Sonyŋ ışınde öŋırdıŋ äleumettık-ekonomikalyq damuy ozyq qarqynmen jüzege asyryluda. Būl, äsırese, auyl şaruaşylyǧy, qūrylys, kölık-tranzit salalarynda aiqyn baiqaluda.
Soŋynda Memleket basşysy Almaty qalasy men Almaty oblysynyŋ örkendeuıne jäne odan ärı damuyna tılektestık bıldırdı.
