Astanadaǧy Almatynyŋ mädeni künderı aiasynda myŋ jasaǧan şahardan kelgen qonaqtar elordadaǧy tört balalar üiınıŋ tärbielenuşılerıne 1000 kg-nan asa aport pen 3000 dana otandyq tättı şokolad syilady.
Almaty qalalyq Işkı saiasat basqarmasynyŋ jetekşısı Nūrlan Sydyqov bastaǧan delegasiia aldymen SOS Balalar auylyna bardy. Mūnda 3-ten 16 jasqa deiıngı 67 bala tūrady. Meimandardy jas jetkınşekter jaqsy köŋıl-küide qarsy aldy. Olardyŋ qoiǧan sūraqtaryna yqylaspen jauap berdı. Äsem Almaty qalasy turaly jetık bıletındıkterın aitty. Öz kezegınde Nūrlan Sydyqov balalarǧa myŋ jasap otyrǧan şahardyŋ tarihy men damuy jaiynda qysqaşa söz örbıttı.
«Bız osynda kelıp, balalarǧa kırmei kete almadyq. Balalar – bızdıŋ bolaşaǧymyz. Olardyŋ denı sau bolyp öskenı – bız üşın öte maŋyzdy, sondyqtan da därumenderdıŋ qainar közı – almany köbırek alyp keldık» dedı ol.
Jetkınşekter qyp-qyzyl aportty qūmarta jep, alystan ädeiılep kelgen aǧalaryna alǧystaryn bıldırdı.
Azamat ESENJOL
