Qalalyq mäslihattyŋ Qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ otyrysy öttı. Deputattardyŋ qarauyna 2017-2019 jyldarǧa arnalǧan biudjet jobasy ūsynyldy.
Biudjettık baǧdarlamalar äkımşılerı bolyp tabylatyn Astana qalasynyŋ Qūrylys, Tabiǧi resurstar jäne tabiǧat paidalanudy retteu basqarmalary, Tūrǧyn üi inspeksiiasy basşylary baiandama jasap, aldaǧy üş jyldyqqa arnalǧan biudjetterınıŋ jobalaryn talqyǧa saldy.
Biudjet jobasynda bılım, densaulyq saqtau, äleumettık qamsyzdandyru nysandaryn damytuǧa, tūrǧyn üilerdı jäne injenerlık-kommunikasiialyq infraqūrylymdy damytu, qorşaǧan ortany qorǧau, qalany abattandyruǧa jäne kögaldandyruǧa arnalǧan şyǧystary körsetılgen.
Ekonomika jäne biudjettık josparlau basqarmasynyŋ basşysy Älıbi Jūmaev «Astana qalasynyŋ 2017-2019 jyldarǧa arnalǧan biudjetınıŋ jobasy turaly» baiandamasynda qalanyŋ osy merzımge deiıngı toǧyz ailyq äleumettık-ekonomikalyq körsetkışınıŋ tūraqty damu üderısıne toqtaldy.
Aldaǧy jyldardyŋ ülesındegı atqarylar jūmystardyŋ retıne kelsek, jobada Qūrylys basqarmasy üş jyldyq kezeŋde 48 980,9 mln teŋge igerudı jobalap otyr. Onyŋ ışınde 21 777,5 mln teŋge jergılıktı biudjetten, 20 281,2 mln teŋge respublikalyq biudjetten qarastyrylmaq.
Atalmyş basqarmanyŋ qyzmetı aǧymdaǧy ekı baǧdarlama boiynşa jäne toǧyz biudjettık damu baǧdarlamasy şeŋberınde jüzege asyrylady. Mektepke deiıngı tärbie men oqytu nysandarynyŋ qūrylysy men qaita jaŋǧyrtuǧa 3 560,0 mln teŋge bölınıp, ony atalmyş merzımde satylap igeru közdelude. Qaladaǧy apatty üilerdı süru jūmysy da jalǧasyn tappaq. Esepte körsetılgen üş jyldyŋ kölemınde 64,3 mln teŋge qarastyrylǧan.
Astana qalasynyŋ Tabiǧi resurstar jäne tabiǧat paidalanudy retteu basqarmasy da bırneşe baǧdarlama boiynşa qyzmetın ūiymdastyrady. Qorşaǧan ortany qorǧauǧa qatysty türlı şaralardy ıske asyru, qalanyŋ «jasyl beldeuın» damytu jäne abattandyru, kögaldandyru boiynşa bırqatar jūmystardy jobalap otyr.
Komitet otyrysyna jinalǧan deputattar biudjet jobasyna qarastyryluy tiıs bırqatar mäselelerge toqtaldy. Jaŋa qūrylystardyŋ qoljetımdılıgımen qatar, säulettık jaǧynan da üilesımdıgın qadaǧalau qajettıgın aitty.
Esıl özenınıŋ oŋ jaǧalauyndaǧy «eskı qalanyŋ» da özındık kelbetın qalyptastyruǧa nazar audarudy eskerttı.
Aigül UAISOVA
