Ūlttyq tarihty jan-jaqty zerdeleu baǧdarlamasynyŋ jäne qazaqtardyŋ etnogenezı aiasynda osy künderı elımızdıŋ Almaty, Qyzylorda, Jambyl jäne Oŋtüstık Qazaqstan oblystarynda arheologiialyq qazba, Pavlodar, Maŋǧystau, Atyrau jäne basqa oblystarda ǧylymi-zertteu jūmystary jürgızılude. Al Şyǧys Qazaqstan oblysynda «Halyq tarih tolqynynda» baǧdarlamasy qalai ıske asyryluda? Ol jönınde keşe QR Prezidentı janyndaǧy Ortalyq kommunikasiialar qyzmetınıŋ baspasöz mäslihatynda baiandaldy.
Elımızde osy künge deiın alty «Altyn adam» tabylsa, sonyŋ üşeuı Şyǧys Qazaqstan oblysynyŋ aumaǧynan qazyp alynǧan. Ony ŞQO äkımınıŋ orynbasary Jaqsylyq Omar jinalǧandardyŋ esıne salyp, 26-27 tamyz künderı aimaqta «Altai – türkı älemınıŋ altyn besıgı» forumy ötetındıgın jetkızdı. Onyŋ maqsaty – türkıtıldes halyqtardyŋ ruhani mūrasyn saqtau, nasihattau jäne damytu bolyp otyr. «Ǧalymdar aitady, «Altai tek qana türkıtıldes halyqtardyŋ emes, bükıl adamzattyŋ besıgı» dep. Altai, şynymen de, bügıngı qazba jūmystaryna qarap, bügıngı tarihşylardyŋ sözıne qūlaq asyp, ǧylymnyŋ bügıngı jetıstıkterın zerdeleitın bolsaq, bükıl adamzattyŋ altyn besıgı» dedı J. Omar.
Osyndai ataumen alǧaşqy forum 2011 jyly ötken bolatyn. Ekınşı forumǧa Resei, Japoniia, Qyrǧyzstan, Türkiia, Türkımenstan, Äzerbaijan sekıldı, jalpy alǧanda 20 eldıŋ ökılderı şaqyrylǧan. Sonymen bırge, qūrmettı qonaqtar arasynda Qazaqstannyŋ IýNESKO-daǧy tūraqty ökılı Oljas Süleimenov, TÜRKSOI halyqaralyq ūiymynyŋ hatşysy Düisen Qaseiınov bolmaq. Osynau ülken şaranyŋ aiasynda ǧylymi-praktikalyq konferensiia, köl öner şeberlerınıŋ körmesı, qymyz, bal, jaŋǧaq merekesı jäne Qatonqaraǧai audanynda türkı halyqtarynyŋ dästürlı oryndauşylarynyŋ festivalı ötpek.
S. Amanjolov atyndaǧy ŞQMU bırınşı prorektory Bauyrjan Erdembekov forumnyŋ elge bererı jönınde söiledı. Osy oqu ornynyŋ professory, tarih ǧylymdarynyŋ doktory Sovethan İgıbaev «Halyq tarih tolqynynda» baǧdarlamasy tarihymyzǧa jaŋa közqaraspen qarauǧa mümkındık bergenın aitty. «Nazarbaev Ortalyǧy» MM qyzmetkerı, tarih ǧylymdarynyŋ kandidaty Erlan Sailaubaev Şyǧys Qazaqstan oblysynyŋ bai tarihyna toqtaldy.
Amanǧali Qaljanov
