El erteŋı – jastar. Olar öz Otanyna şyn berılgen, elın, jerın süietın tūlǧa bolyp qalyptassa, memleketımızdıŋ aldynda aşylmaityn esık, alynbaityn qamal bolmaidy. Sondyqtan osy bastan jastarymyzdyŋ boiyna otanşyldyq ruhyn sebuımız qajet. Sonyŋ bırden-bır joly – ūlt tarihy negızınde jastarǧa patriottyq tärbie beru. Mūny Elbasy Nūrsūltan Nazarbaev ta özınıŋ «Qazaqstan-2050» Strategiiasynda atap ötken bolatyn. 
Bügıngı taŋda bilık partiiasy «Nūr Otan» HDP aldynda osyndai mındet tūr. Osyǧan bailanysty keşe partiianyŋ Qoǧamdyq saiasat instituty men Bılım jäne ǧylym ministrlıgınıŋ Memleket tarihy institutynyŋ ūiymdastyruymen «Qazaqstan jastaryn jaŋa patriottyq ruhta tärbieleude ūlttyq tarihtyŋ rölı» taqyrybynda döŋgelek üstel öttı.
Özektı mäselege arnalǧan otyrysqa belgılı tarihşylar men qoǧam qairatkerlerı qatysty. Şarany «Nūr Otan» HDP Töraǧasynyŋ bırınşı orynbasary Bauyrjan Baibek aşty. «Memlekettık hatşy Marat Täjin jaqynda ūlttyq tarihty zerdeleu jönınde otyrys ötkızdı. Ūlttyq tarihty damytu jolynda bızdıŋ partiianyŋ negızgı maqsaty – jastardy bırıktırıp, Qazaqstannyŋ täuelsızdık alǧannan bergı jetıstıkterın paş etu. Patriottyq sezımdı qalyptastyru jolynda bız ülken jūmys atqaratyn bolamyz» dedı ol. Sondai-aq, ūrpaqtar sabaqtastyǧy, bılım beru, tärbie mäselelerı, tarihi kıtaptar, derektı, körkem filmder, aqparattyq – tanymdyq baǧdarlamalar turaly pıkırın bıldırdı. Tarihi jobalardy ǧalamtorǧa engızudıŋ paidasyn söz ettı. Partiianyŋ jaŋa Doktrinasynyŋ jobasy daiyndalǧandyǧyn, 18 qazanda «Nūr Otan» HDP HV cezı ötetındıgın jetkızdı.
Memleket tarihy institutynyŋ direktory Bürkıtbai Aiaǧan täuelsızdıktıŋ jetıstıkterın därıpteudegı jas ǧalymdardyŋ rölı turaly söiledı. «Qazaqfilm» AQ prezidentı Ermek Amanşaev tarihi filmder ūlttyq patriottyqty qalyptastyratynyn aitty. Ş. Uälihanov atyndaǧy Tarih jäne etnologiia institutynyŋ direktory, tarih ǧylymdarynyŋ doktory Hangeldı Äbjanov tarihi tūlǧalarymyzdyŋ ömırı men qyzmetın nasihattau arqyly jastardyŋ tärbiesıne oŋ äserın tigızuge bolatyny jönınde baiandama jasady. Publisist, «Aiqyn» gazetınıŋ bas redaktory Nūrtöre Jüsıp ūlttyq tärbie berudegı BAQ-tyŋ rölıne toqtaldy. Onyŋ sözın osy auandaǧy pıkır bıldırgen saiasattanuşy Aidos Sarym jalǧady. Otyrys soŋy taqyrypty talqylauǧa ūlasty.
Amanǧali Qaljanov
