ALTYN PARAQ
Qazaq ūǧymyndaǧy tūlǧalyq qasiet adamnyŋ halyq igılıgı üşın qyzmet etuınen körınedı. Şalkiız jyraudyŋ sözımen aitsaq, «Kerektı künı aldyŋda, ǧazizlengen sūltan janym aiaman» degen serttegı tūlǧalar qazaq dalasynda bolǧan, älı de bar.
Tūlǧalyq qasietke ie adamdardyŋ araǧa ǧasyr salyp, ne bolmasa odan da ūzaq merzımde düniege keletındıgı tabiǧi qūbylys. Sondyqtan, tūlǧalyq qasiet adamzat üşın qadırlı. Eldık mūrat üşın küres – küresterdıŋ ūlysy. Ūly qazaq dalasy talai ǧasyr tolǧatyp, tektılıgı tereŋ, aqyl-oiy kemel, ruhy biık, aŋsary asqaq tarlandardy syilady. Halyqty baqytty etudıŋ jolyn ızdep, jalaŋ qolymen ot ūstaǧan sol jampozdardyŋ ūly ūstanymy eldık mūraty, qazaq sanasynda älı jasap keledı. Batyr baba, abyz atalardyŋ kökeiın tesken azattyq armany bügın ǧana oryndaldy.
Qazaqtyŋ taǧdyry öz külınen özı qaita jaratylatyn feniks-qūstyŋ bolmysy siiaqty. Ata tarihtan belgılı, qazaq körmegen qasıret joq. Eŋ bastysy, ata-baba amanatyna qiianat jasalǧan joq. Nūrsūltan Nazarbaevtyŋ babalar ruhynan tamyr tartqan azattyq ideiasy jüzege asty. Azat eldıŋ astanasy Arqa törıne qonys teptı, memleket özınıŋ baǧdaryn aiqyndady. Qazaq elınıŋ täuelsızdıgın nyǧaituda Nūrsūltan Äbışūlynyŋ tūlǧalyq qasietı jan-jaqty körındı.
Tūlǧany tarihtyŋ qalyptastyratyny belgılı. Al, Qazaqstan memleketı üşın ärbır sät – tarihtyŋ altyn paraǧy. El basqaryp otyrǧan tūlǧanyŋ tektılıgı men ruhy halyqty jarqyn bolaşaqqa qarai jeteleidı. Saiasat pen ǧylym tūlǧany qalyptastyruy mümkın, bıraq jasai almaidy. Naǧyz halyqtyq tūlǧa qarapaiym halyqtyŋ arasynan şyǧyp, eldık mūrat jolyndaǧy qajyrly eŋbegımen ǧana tarihta qalady.
Hamit ESAMAN