Almaty audanyndaǧy Balqantau, 171 mekenjaiynda kütpegen jaǧdai tırkeldı. salynyp jatqan kottedjdıŋ ekı qabatyn jalǧap tūrǧan eden jabyny opyrylyp qūlap tüsken.
Nätijesınde üş jūmysşy qirandy astynda qalyp qoidy. Qūtqaruşylar üiındı astynan 1970 jylǧy jäne 1983 jylǧy ekı azamatty şyǧaryp alǧan. Artynşa qūtqaru qyzmetı 18 jastaǧy üşınşı qūrylysşyny qūtqardy. Oqys oqiǧadan zardap şekkenderdıŋ densaulyǧyna qatysty Astana qalalyq Qoǧamdyq densaulyq saqtau basqarmasy mälımdeme jasady.
– 1 tamyz künı saǧat 19:52-de jedel järdem beketıne Balqantau köşesınde salynyp jatqan üi qūrylysynyŋ qūlauynan zardap şekkender bar degen qoŋyrau tüstı. Oqiǧa ornyna şūǧyl jetken jedel järdem jaraqat alǧan üş adamdy №1 qalalyq auruhanaǧa jetkızdı. Qazırgı uaqytta zardap şekkenderdıŋ densaulyǧy ortaşa, tūraqty dep aituǧa bolady. Medisinalyq kömek tolyqtai körsetıldı. Zardap şekkenderdıŋ bärı auruhananyŋ beiındı bölımınde em qabyldap jatyr, – dedı Astana qalalyq Qoǧamdyq densaulyq saqtau basqarmasynyŋ baspasöz hatşysy Aigerım Ardaq.
Qūrylys alaŋyndaǧy apattyŋ sebebı äzırge belgısız. Al jaraqat alǧandardyŋ bärı Qazaqstan azamattary ekenı anyqtaldy. Qalalyq Işkı ıster departamentınıŋ habarlauynşa, qazır osy oqiǧaǧa bailanysty qylmystyq ıs qozǧalyp, sotqa deiıngı tekserıs jürgızılıp jatyr. Al zardap şekkenderdıŋ kelısımşartsyz jūmys ıstegenı anyqtalyp otyr.
