Keşe Memleket basşysy Nūrsūltan Nazarbaev «Arqankergen» şekaralyq beketındegı oqiǧaǧa bailanysty qūqyq qorǧau organdary basşylarymen keŋes ötkızdı.
QR Prezidentı baspasöz qyzmetınıŋ habarlauynşa, keŋeste Memleket basşysy mynadai mälımdeme jasady:
«Elımızdıŋ şyǧys aimaǧynda Almaty oblysyndaǧy «Arqankergen» şekaralyq beketınde qaiǧyly oqiǧa boldy. Onyŋ saldarynan 15 adam – 14 şekaraşy jäne bır qoryqşy qaza tapty.
Men mūny laŋkestık akt dep sanaimyn. Būl sırä, ışkı janjaldardyŋ nätijesınde bolǧan boluy tiıs. Alaida, būl turaly aitu älı erte. Sarbazdardyŋ kazarmasy men ofiserler üiı örtelgen. Qaza bolǧandardyŋ mäiıtı üiındılerdı arşu kezınde tabyldy. Būl oqiǧa beibıt kezde bolyp otyr. Sondyqtan da egjei-tegjeilı tekserudı talap etedı.
Qazırgı kezde menıŋ tapsyrmam boiynşa arnaiy komissiia oqiǧanyŋ män-jaiyn anyqtauda, barlyq faktıler zerttelude. Bas äskeri prokuratura qylmystyq ıs qozǧady. Ortalyq jäne jergılıktı qūqyq qorǧau organdary ıstıŋ män-jaiyn anyqtap, qylmysqa küdıktılerdı ūstau üşın barlyq küş-jıgerın jūmsauda. Tekseru jūmystaryna IIM, ŪQK jäne Bas prokuraturanyŋ täjıribelı qyzmetkerlerı tartyldy. Qazır būl komissiia oqiǧa ornynda jūmys ıstep jatyr.
Men jaǧdaidy mūqiiat tekserıp, sebebın anyqtauǧa nūsqau berdım. Būdan keiın tiıstı şaralar qolǧa alynatyn bolady. Ükımetke qaza tapqandardyŋ otbasylaryna kömek körsetudıŋ jäne olarǧa qoldau jasaudyŋ barlyq mäselelerın baqylauǧa aludy tapsyramyn.
Men qaza bolǧan jas jıgıtterdıŋ barlyq tuystary men jaqyndaryna köŋıl aitamyn», – dedı Nūrsūltan Nazarbaev.
