«Astananyŋ reitingterı qalanyŋ serpındı jäne diversifikasiialy ekonomikasy men jaǧymdy salyq rejimıne negızdelgen tömen deŋgeilı qarjy defisitımen jäne tabysty operasiialyq kırıstermen saqtaluda». Būl – «Moody’s Investors Service» halyqaralyq reiting agenttıgı sarapşylarynyŋ qazaqtyŋ kındık qalasyna bergen baǧasy. Atalǧan agenttık Astanaǧa «Tūraqtylyq» reitingı boiynşa boljanǧan VaaZ deŋgeiındegı şeteldık jäne ūlttyq valiutaǧa emitent reitingın taǧaiyndady. Osyǧan orai Astana qalasy Qarjy basqarmasynyŋ bastyǧy Bekbol SAǦYNMEN tıldestık.
–«Moody’s Investors Service» halyqaralyq reiting agenttıgınıŋ bergen baǧasyna süiensek, elordamyz Baltyq jaǧalauy elderınıŋ qalalarymen iyq tırestırdı. Aityŋyzşy, būl reiting qalai jürgızıledı?
– «Moody’s» halyqaralyq reiting agenttıgı Astana qalasynyŋ äkımdıgımen jūmys jasap, bızden biudjettıŋ körsetkışterın, jalpy qandai mındettemelerımız bar, kırısterımız qandai, biudjet tapşylyǧy qandai deŋgeide qūrylǧan – mıne, osy mälımetterdıŋ barlyǧyn jinaqtap alady. Sonyŋ negızınde taldau jürgızıp, baǧa berıldı. Iаǧni, būl reiting bızdegı qalyptasqan ekonomikalyq jaǧdai, äleumettık körsetkışterge negızdelıp jasalyp otyr.
– Būl tek TMD elderınıŋ aumaǧynda ǧana jürgızıle me?
– TMD elderınde ǧana emes, älemnıŋ basqa qalalarynda da osyndai reiting jürgızıledı. TMD elderımen salystyrsaq, Mäskeu, Peterbor qalalarynyŋ reitingterı – Vaa1. Al, agenttık Qazaqstanǧa Vaa2 reitingın berdı.
Bızdıŋ būl reitingımız – Baltyq elderınıŋ astanalarymen, sondai-aq Horvatiia, İtaliianyŋ Neapol qalasymen deŋgeiles. Aita ketu kerek, 2009 jyly däl osyndai reiting jürgızılgen bolatyn. Bıraq, biylǧy körsetkış 2009 jylmen salystyrǧanda bır satyǧa joǧary.
– Atalǧan agenttık reitingtı şyǧarǧan kezde qalanyŋ kredittık reitingısın de nazarǧa alady. Jalpy, ol ne üşın qajet?
– Kredittık reiting degen – investisiiaǧa qolaily jaǧdai degen söz. Kez kelgen investor basqa elge investisiia salu üşın, ärine, sol el jönınde jan-jaqty aqparattar jinaidy. Sonyŋ ışınde Moody’s halyqaralyq agenttıgınıŋ bergen kredittık reitingı Astana üşın öte paidaly dep esepteimız.
– Nelıkten?
– Öitkenı, qazırgı künı investisiia tartu – maŋyzdy maqsattarymyzdyŋ bırı. Jalpy ekonomikamyzdy jaŋǧyrtudyŋ nätijesınde äleumettık ekonomikalyq körsetkışterdıŋ barlyǧy artyǧymen oryndaldy. Biudjet jönınde aitatyn bolsaq, ötken jyly biudjettıŋ kırısı de 100% artyǧymen oryndaldy. Tek ötken jyly Astanaǧa 570 mlrd teŋge kölemınde investisiia tartylǧan. Onyŋ 50%-dan astamy negızınen ūiymdardyŋ, käsıporyndardyŋ, halyqtyŋ özınıŋ jeke qarajat esebınen.
– Äŋgımeŋızge rahmet!
Ainūr ŞOŞAEVA
