Jas «aqjoldyqtar» äleumettık jelılerde «2021 jyl – Aq jolmen bırge!» chellendjın bastady. Chellendj partiianyŋ Maŋǧystau oblystyq filialy janyndaǧy «Aq jol – jastar» jastar qanatynan bastau aldy.
Jelılerdegı şara aldaǧy Parlament Mäjılısı men barlyq deŋgeidegı mäslihattar sailauyna arnalǧan. «Aqjoldyqtar» beineroligınde partiia ūsynǧan özgerıster jäne olardyŋ qajettılıgı turaly eske salyp, sailauǧa belsendı qatysuǧa jäne Qazaqstan «Aq jol» demokratiialyq partiiasyna dauys beruge şaqyrady. «Jarqyn jolmen ızgı maqsattarǧa! «Aq jol» üşın dauys ber!» deidı maŋǧystaulyqtar.
Aita keteiık, osydan bırneşe kün būryn «Aq jol» demokratiialyq partiiasynyŋ respublikalyq ştab müşelerı Türkıstan oblysyna barǧan edı. Partiia töraǧasy Azat Peruaşev bastaǧan ügıt-nasihat toby Türkıstan oblysyndaǧy «Kombinat Farab» zauytynyŋ ūjymymen kezdestı.
Kezdesu barysynda partiia töraǧasy Azat Peruaşov «Bız tabys tabatyn, biudjetke salyq töleitın jäne jūmyspen qamtityn käsıpkerlerdı qoldauymyz kerek. «Aq jol» partiiasynyŋ sailaualdy baǧdarlamasynda da käsıpkerlıktı qoldauǧa basa nazar audarylǧany aitylǧan» dep atap öttı.
«Pandemiia kezınde käsıporyndarda jūmys ıstegen myŋdaǧan adam jalaqysyz qaldy. Bız mūndai jaǧdaiǧa jetkızbes üşın käsıpkerlerge qoldau körsetuımız qajet. Käsıporyn köp bolsa, jūmys orny köp bolady. Jūmys köp bolsa, ärbır otbasynyŋ künkörısı jaqsarady. «Bızdıŋ baǧdarlama käsıpkerlıktı jäne qatardaǧy qazaqstandyqtardyŋ müddelerın qorǧaudy maqsat etedı» dedı Peruaşev.