Premer-ministr Baqytjan Saǧyntaevtyŋ töraǧalyǧymen ötken Ükımettıŋ kezektı otyrysynda biylǧy jylu beru mausymynyŋ barysy, «EKSPO-2017» körsetılgen tehnologiialardy engızu, «Aqyldy qalalar» jobalaryn ıske asyru, valiutany retteu men valiutany baqylau turaly zaŋnamany jetıldıru, Ükımettıŋ 2017 jylǧy zaŋ jobalarynyŋ oryndaluy men 2018 jylǧy jospary mäselelerı qaraldy.
Otyrysta Qazaqstanda «Aqyldy qalalar» jobasy boiynşa jüzege asyrylyp jatqan şaralar turaly Aqparat jäne kommunikasiialar ministrı Däuren Abaev habarlama jasady. Ol öz sözınde Smart City tūjyrymdamasy qalalyq qyzmettıŋ barlyq türlerınıŋ tiımdılıgın arttyruǧa baǧyttalatynyn atap körsettı.
– Smart City missiiasynyŋ negızı – adam jäne onyŋ qajettılıkterı. «Aqyldy qalanyŋ» negızgı sipattamasy – jailylyq, qauıpsızdık, tiımdılık jäne qorşaǧan ortaǧa ziiandy tömendetu, – dedı ministr. – «Sifrly Qazaqstan» memlekettık baǧdarlamasynyŋ negızgı körsetkışterınıŋ bırı elımızdıŋ bes ırı qalasynda – Smart Astana, Smart Karagandy, Smart Ontystuk, Smart Almaty, Smart Aktobe sekıldı Smart City-dı damytu bolatyn.
Däuren Abaevtyŋ atap körsetkenındei, atalǧan jobalardy oryndaudyŋ negızgı tūlǧalary öŋırler äkımdıkterı bolmaq. Osy oraida «aqyldy qalany» damytu tūrǧysynan olardyŋ jūmysynyŋ negızgı basymdyqtary öŋır tūrǧyndarynyŋ ömır sapasyn jaqsartu, elektrondy türdegı memlekettık qyzmetterdıŋ ülesın ūlǧaitu, Qazaqstan aimaqtarynyŋ Smart sity halyqaralyq reitingterıne kıruı, Smart city tūjyrymdamasyna säikes bastamalyq jobalardy ıske asyru, G2G, B2B jäne G2B segmentterınde qaǧazsyz özara ärekettestıktı yntalandyru ekenı aiqyndaldy.
Ministr memlekettık baǧdarlama aiasynda «aqyldy qalalardyŋ» tiptık tūjyrymdamasy äzırlengenın atap öttı. Onda internet zattar, jasandy zerde sekıldı aldyŋǧy qatarly tehnologiialardy qoldanatyn jobalardyŋ tızımı keltırılgen. Sondai-aq, qūjat Smart City tehnologiialaryn engızudıŋ negızgı qaǧidalaryn, täsılderın, maqsattaryn, basymdyqtary men mındetterın anyqtaidy.
– Jobalar memlekettık-jekeşelık ärıptestık, aqparattandyrudyŋ servistık modelı, biudjettık qarjylandyru jäne jeke investisiialar şeŋberınde jüzege asyrylatyn bolady. Sonymen qatar, jobalardy benchmarkingtı paidalanu, iaǧni üzdık älemdık jäne otandyq täjıribege baǧdarlau jasau arqyly jüzege asyru josparlanǧan, – dedı Däuren Abaev.
Qazaqstanda Smart City salasyndaǧy ūlttyq standarttar halyqaralyq standarttarǧa süiene otyryp äzırlengen. Olar energiia ünemdeu, kölık, bılım beru, densaulyq saqtau, qorşaǧan ortany qorǧau, aqparattyq tehnologiialar salasyndaǧy innovasiialyq şeşımder arqyly qalany bır ortalyqtan basqaru prosesterınıŋ tübegeilı jaŋa mümkındıkterın qalyptastyrady. Ol qauıpsızdık pen qyzmet körsetudıŋ joǧary deŋgeiın de qamtamasyz etedı.
Habarlamaşy Smart City-dı engızu deŋgeiıne bailanysty qalalardy baǧalau jūmystaryn jürgızudı ūsynatynyn atap öttı. Sonyŋ nətijesınde baǧalaudyŋ tiıstı şkalasy bar keste türındegı därejesınıŋ kartasy jasaldy. Är salaǧa standarttardyŋ indikatorlary men körsetkışterıne säikes negızdelgen baǧa belgılenedı.
Otyrysta Astana qalasynyŋ äkımı Äset İsekeşev, Almaty qalasynyŋ äkımı Bauyrjan Baibek jäne Qaraǧandy oblysynyŋ äkımı Erlan Qoşanov Smart City jobasyn engızudıŋ aimaqtyq täjıribesı jäne ony ıske asyru jaǧdaiy turaly qysqaşa habarlama jasady.
Serık PIRNAZAR
