Nūr-Sūltan qalasy mäslihatynyŋ kezekten tys sessiiasynda şahardyŋ bırqatar basqarmalaryna qosymşa qarjy bölu, orta mektepter men balabaqşalar qūrylysy mäselelerı qaraldy. Mäslihat hatşysy Erlan Kanalimovtyŋ töraǧalyǧymen ötken sessiiaǧa Parlament Mäjılısınıŋ deputaty Larisa Pavloves jäne elorda äkımınıŋ orynbasary Asqar Amrin qatysty.
Qalalyq Ekonomika jäne biudjettık josparlau basqarmasynyŋ basşysy Qaisar Maŋqaraev jergılıktı biudjet kırısterıne süiene otyryp, qala biudjetınıŋ şyǧys bölıgı qalyptastyrylǧanyn baiandady. Qala tūrǧyndary üşın qyzmetterdıŋ sapasy men qoljetımdılıgın qamtamasyz etudı eskere otyryp, qosymşa qarjyny äleumettık salaǧa, bılım beruge, densaulyq saqtauǧa baǧyttau josparlaǧanyn aitty.
Qoǧamdyq densaulyq saqtau basqarmasyna koronavirusqa qarsy vaksinasiia jäne revaksinasiia boiynşa aqparattyq-tüsındıru materialdaryn äzırleuge, derbes jylytu boiynşa şyǧystarǧa, vedomstvolyq baǧynysty ūiymdardy kürdelı jöndeuge qosymşa qarajat közdelgen.
Bılım basqarmasyna mūǧalımderdıŋ jalaqysyna, 1-4 synyp oquşylaryn ystyq tamaqpen qamtamasyz etuge, mektepke deiıngı bılım beru ūiymdarynda memlekettık bılım beru tapsyrysyn ornalastyruǧa qarastyrylǧan. Mädeniet basqarmasyna üiırmelerge qatysatyn balalardyŋ sanyn arttyru, M.Gorkii atyndaǧy memlekettık akademiialyq orys drama teatrynyŋ ǧimaratyn jöndeuge jäne restavrasiialauǧa bölınbek.
Dene şynyqtyru jäne sport basqarmasyna sportşylardyŋ ıssapar şyǧystaryna, jan basyna qarjylandyru boiynşa memlekettık tapsyrysty ıske asyruǧa, sporttyq ıs-şaralardy ötkızuge közdelgen. Al Kölık jäne jol-kölık infraqūrylymyn damytu basqarmasyna äleumettık maŋyzy bar ışkı qatynastar boiynşa jolauşylar tasymalyn subsidiialauǧa qosymşa qarjy qarastyrylǧan. Säulet, qala qūrylysy jäne jer qatynastary basqarmasyna elordanyŋ 2025 jylǧa deiıngı Bas josparyn äzırleuge, qalanyŋ geolokasiialyq portalyn süiemeldeuge, Qūrylys basqarmasyna köppäterlı tūrǧyn üi keşenı qūrylysyn aiaqtauǧa qosymşa qarajat közdelgen.
Mektepter men balabaqşalar qūrylysy boiynşa Bılım basqarmasy basşysynyŋ mındetın atqaruşy Nariman Elamanov baiandama jasady. Mäslihat deputattary sūraqtar qoidy. Qala äkımınıŋ orynbasary Asqar Amrin keibır mäselelerdı tüsındırdı.
