Elorda tūrǧyndary tarapynan kommunaldyq tarif baǧasynyŋ qymbat ekenı aitylyp jür. Osy jaǧdaiǧa bailanysty Nūr-Sūltan qalasynyŋ Tūrǧyn üi ortalyǧynda köppäterlı tūrǧyn üilerdı kütıp ūstauǧa minimaldy tariftı bekıtu boiynşa jūmys tobynyŋ alǧaşqy otyrysy ötıp, tölem baǧasyn tömendetu mümkındıkterı qaraldy.
Atalǧan şaraǧa tūrǧyn üige qatysty ūiymdar men onyŋ basşylary, Nur Otan partiiasynyŋ müşelerı, «Atameken» QR Ūlttyq käsıpkerler palatasynyŋ ökılderı jäne t.b. qatysty. Olar minimaldy tarif baǧasyn engızu jaiyn talqylady.
«Tūrǧyn üi ortalyǧynda köppäterlı tūrǧyn üilerdı kütıp ūstau boiynşa minimaldy tariftı bekıtu boiynşa alǧaşqy jūmys tobynyŋ otyrysy öttı. Mūnda barlyq taraptardyŋ uäjderın tyŋdap, minimaldy tarifterdı bekıtu boiynşa bır şeşımge kelu üşın jinaldy. Sosyn ony mäslihatqa ūsynatyn bolamyz. Būl jūmystardyŋ bärı tolyǧymen şeşıledı. Qazır tūrǧyndar tarif baǧasyn tömendetudı sūrap jatyr» dedı Nūr-Sūltan qalasynyŋ Tūrǧyn üi jäne tūrǧyn üi inspeksiiasy basqarmasynyŋ Saryarqa audany inspeksiiasynyŋ bölım basşysy Erkebūlan Köşkınbai.
Is-şaraǧa jinalǧandar kommunaldyq tarif baǧasynyŋ qymbat ekenın aityp, aǧymdaǧy tarif tūrǧyndarǧa salmaq tüsırıp jatqanyn aitty. Osy oraida, älem elderındegı tarif jüiesın söz etıp, üidıŋ şarşy metrıne qarap, tarif baǧasyn bekıtudı ūsyndy. Osyǧan bailanysty mäslihat tūrǧyndardyŋ jaǧdaiyn eskeru qajettıgın aitty.
«Astana tūrǧyndarynyŋ jartysy basqa öŋırlerde nemese şetelge köşıp ketkendıkten üilerın jalǧa berıp qoiǧan. Baǧasy 250 myŋ teŋgeden bastalady. Al būl baǧa tūrǧyndarǧa auyr. Sondyqtan kommunaldyq tölemdı ötei almai jatqan adam köp. Men aǧymdaǧy tarifpen jūmys ıstei almai jatyrmyn. Baǧany tüsıru kerek» deidı Esıl audany boiynşa PİK ökılı Baǧila Klekbarqyzy.
Byltyr elordada tūrǧyn üi salasynda qyzmet körsetetın bıryŋǧai ortalyq aşylǧan bolatyn. Būl ortalyqta tūrǧyn üige kezekke tūru, kezek nömırın tekseru, tūrǧyn üi baǧdarlamalaryna qatysu, tūrǧyn üi sertifikatyn alu, kredittık/jalǧa berıletın päterler boiynşa jäne t.b. mäselelerge qatysty keŋes aluǧa bolady. Būl ortalyq qala tūrǧyndary üşın yŋǧaily, sebebı olar tūrǧyn üi mäselelerı boiynşa qalanyŋ är audanynda ornalasqan instansiialarǧa barmai-aq bır jerden keŋes ala alady.
