Astanada №73 mektep-liseiınıŋ janynan psiho- logiialyq-pedagogi-kalyq tüzetu kabinetı aşyldy.
Bügıngı taŋda Astana qalasy boiynşa köru qabıletı naşar, közı körmeitın jäne estu qabıletı tömen balalarǧa arnalǧan ekı psihologiialyq-pedagogikalyq tüzetu kabinetı jūmys ısteidı. Olar «Dara» qaiyrymdylyq qorynyŋ qolǧabys etuımen aşylǧan. Al mynau – elordadaǧy üşınşı kabinet.
Künnen künge halqynyŋ sany ösken Astana üşın balalarǧa arnalǧan tüzetu kabinetterı jetıspeidı. Äsırese, autizmge şaldyqqan balalardy qoǧamǧa beiımdeitın, ärtürlı daǧdylardy oqytuǧa jäne olardy sauyqtyruǧa qajettı qūral-jabdyqtary bar kabinetterdı aşu özektı bolyp tūr.
Jyl saiyn arnaiy psihologiialyq-pedagogikalyq tüzetu qyzmetıne jügınetın balalardyŋ qatary artyp keledı. Psihologiialyq-pedagogikalyq keŋester derekterıne süiensek, Astanada damuynda kemıstıgı bar 8504 bala bar. Onyŋ ışınde 0-den 7 jasqa deiıngı 473 balanyŋ sezımdık erkı men mınez-qūlqy būzylǧan, autizmge şaldyqqan, 117-sı – mümkındıgı şekteulı jandar (2015 jyly – 372, olardyŋ 95 mümkındıgı şekteulı).
Kabinet qoldanysqa tapsyrylǧan soŋ, qajettı qyzmetter balalarǧa erte jastan körsetıledı. Onyŋ arqasynda erekşe qajettılıgı bar balalar äleumettık tūrǧyda beiımdelıp, tüzetu kömegı der kezınde körsetıledı. Al olardyŋ ata-analaryna keŋes aluǧa mümkındık berıledı.
№3 PPTK aşyluy damuynda kemıstıgı bar balalardy qorşaǧan ortaǧa beiımdeidı, olardyŋ qabıletterın, ikemderın damytady.
Arnaiy kabinet qyzmetı arnaiy mektepke deiıngı mekemelerge barmaityn 7 jasqa deiıngı balalardy korreksiialyq qoldauǧa baǧyttalady. Bılıktı mamandar toby jeke-damytuşy baǧdarlamalarǧa säikes, sauyqtyru jūmystaryn jeke, toptyq sabaqtarda jürgızedı. Sonyŋ nätijesınde balalardyŋ psihofiziologiialyq damuynda jaqsy özgerıster bolady dep kütılude.
№3 tüzetu kabinetı «Bolaşaq» korporativtı qorynyŋ qoldauymen «Ärbır bala mektepke baruǧa laiyq» qanatqaqty jobasy aiasynda jüzege asyrylyp otyr. Qordyŋ qaiyrymdylyq qarajaty esebınen kabinetke jöndeu jūmystary jürgızılıp, qajettı qūraldarmen jabdyqtaldy.
