Biyl 14 mausymda Nūr-Sūltan qalasynda tūratyn äskeri mındettı azamattardy josparly äskeri oqu-jattyǧu jiyndaryna şaqyru bastaldy.
Būl şara Qazaqstan Respublikasynyŋ «Äskeri qyzmet jäne äskeri qyzmetşılerdıŋ märtebesı turaly» Zaŋyna jäne Ükımet Qaulysymen bekıtılgen «Qazaqstan Respublikasy azamattaryn äskeri qyzmetke şaqyrudy ūiymdastyru jäne jürgızu Erejelerı» negızınde ötkızılıp otyr.
Oqu-jattyǧu äskeri jiyny aǧymdaǧy jylǧy mausymnyŋ 14 men 23 aralyǧynda Nūr-Sūltan qalasynyŋ aumaqtyq qorǧanysyn daiyndau, äskeri mındettılerdıŋ bılımı men daǧdylaryn meŋgeru jäne jetıldıru maqsatynda ūiymdastyryluda.
Menşık nysanyna qaramastan Nūr-Sūltan qalasy ūiymdarynyŋ, käsıporyndarynyŋ mekemelerınıŋ basşylary jiynǧa şaqyrylǧan äskeri mındettılerdıŋ keluın qamtamasyz etuge tiıs.
Atalǧan jiynǧa keşe 78 adamnan tūratyn alǧaşqy rota attanyp kettı. Jiyn barysynda olar küzet rotasyn arnaiy örıstetu, jauyngerlık üilesımdıkke qol jetkızu, obektılerdı küzetu men qorǧaudy ūiymdastyru, diversiialyq toptarmen küresu taqyrybyndaǧy jattyǧulardy pysyqtaityn bolady.
Oqu-jattyǧu äskeri jiyndaryn ötu kezınde şaqyrylǧan zapastaǧy ofiserler, serjanttar men sarbazdar üşın qoldanystaǧy zaŋnamaǧa säikes olardy jūmys orny men ortaşa jalaqysy saqtalady.
Äskeri oqu-jattyǧu jiyndarynyŋ daiarlyq baǧdarlamasyn üzdık ötken äskeri mındettılerge kezektı äskeri ataqtar berıledı.
Mūrat BERIKPOLOV, Nūr–Sūltan qalasynyŋ
Qorǧanys ısterı jönındegı departamentınıŋ bastyǧy,polkovnik
