ASSAMBLEIа İNVESTİSİIа TARTUǦA ATSALYSADY
18 säuırde Astanada Qazaqstan halqy assambleiasynyŋ XXI sessiiasy ötedı. Osyǧan orai, keşe Ortalyq kommunikasiialar qyzmetınıŋ brifingıne kelgen assambleia atynan Parlament Mäjılısıne sailanǧan deputattar sessiianyŋ maqsat-mındetterıne toqtalyp, özderınıŋ osy künderge deiın atqarǧan ısterı jönınde baiandady.
Aldymen söz alǧan Qazaqstan halqy assambleiasy Töraǧasynyŋ orynbasary – hatşylyq meŋgeruşısı Eraly Toǧjanov barşany Nauryz merekesımen qūttyqtap, baq-bereke tıledı. Osynyŋ aldyndaǧy sessiiada Qazaqstannyŋ 2020 jylǧa deiıngı damu strategiiasy qabyldanǧanyn eske saldy. Assambleianyŋ negızgı maqsaty – Memleket basşysy Nūrsūltan Nazarbaevtyŋ tapsyrmalaryn oryndap, qoǧamdyq kelısımdı nyǧaitu ekenın aitqan ol, ūiymnyŋ aldaǧy 20 jyldyq mereitoiyna qyzu daiyndyq bastalǧanyn jetkızdı.
Onyŋ aituynşa, qoǧamdyq kelısımdı nyǧaitu ısı äsırese el aimaqtarynda belsendı jürgızıledı. Ol üşın är öŋırdegı Dostyq üilerınıŋ jūmysyn damytu tūjyrymdamasy daiyndalǧan. Sondai-aq, assambleia aimaqtarǧa investisiia tartu ısıne öz ülesın qospaq eken. «Bügın Şyǧys Qazaqstan oblysynyŋ äkımımen kelısımge keldık. Sol oblysqa Oŋtüstık Koreiadan investisiia tartpaqpyz. Bızdıŋ maqsatymyz – sol eldıŋ qarjysyn Qazaqstannyŋ ekonomikasyna jūmys ıstetu. Sol üşın Qazaqstandaǧy koreilerdıŋ etnomädeni bırlestıgınıŋ jetekşısı Roman Kim 2 apta boiy Şyǧys Qazaqstanda bolady» dedı ol jönınde Eraly Lūqpanūly.
Bolaşaqta assambleia Germaniiadan da investisiia tartuy mümkın. Töraǧa orynbasarynyŋ sözınşe, ol jaqqa köşıp ketken Qazaqstan tumalarymen tyǧyz bailanys ornaǧan. Onyŋ sözın tolyqtyra ketken Egor Kappel tarihi otandaryna oralǧan qandastarymen jiı aralasatynyn, olar Qazaqstandy saǧynatyndaryn aitty. Tıptı, keiıngı 2 jyl ışınde 3 myŋ nemıs elımızge qaita oralǧan eken.
Assambleiadan sailanǧan taǧy bır deputat Ahmet Mūradov postkeŋestık elder de Qazaqstan ülgısıne qarap, assambleiaǧa ūqsas ūiymdar qūrǧanyn, alaida, ol ūiymdar elımızdegıdei jüielı jūmys ıstemeitının jetkızdı.
Zuhra Saiapova assambleiany «Tūraqtylyq araly» dep atasa, onyŋ sözın Ortalyq kommunikasiialar qyzmetınıŋ resmi ökılı Altai Äbibullaev «Tūraqtylyqty eksporttauşy» dep damyta tüstı.
Nadejda Petuhova elımızdegı bırlık mäselesın joǧary baǧalady. Eraly Toǧjanov «Halqymyz ışkı ruhani kelısımnen aiyrylmasa, almas qamalymyz bolmaidy» dep brifingtı qorytyndylady.
Amanǧali ŞMİTŪLY