Elorda törınde ötetın Nauryz meiramy būqaralyq sport saiystaryna toly bolmaq. Atap aitqanda, 22 nauryz künı Astana qalasy äkımdıgı aldyndaǧy alaŋda, sondai-aq, audandardyŋ ortalyq alaŋdarynda jäne «Prigorodnyi», «Talapker», «Jeleznodorojnyi», «Öndırıs», «Michurino», «Köktal» jäne «Ürker» eldı mekenderınde köpşılıkke arnalǧan jarystar ūiymdastyrylady. Küres, kır tasyn köteru, asyq atu, toǧyzqūmalaq, arqan tartu jäne basqa da sport türlerıne ärkımnıŋ qatysuǧa mümkındıgı bolady. Būqaralyq jarystar saǧat 10.00-de bastalady.
Būdan basqa, astanalyqtar men qala qonaqtary bırqatar sport jarystaryn tamaşalai alady. Atap aitqanda, 18-23 nauryz aralyǧynda «Saryarqa» respublikalyq velotregınde taekvondodan jasöspırımder arasynda aşyq qalalyq jarys, 20- 21 nauryzda şaŋǧy-rollerlık trassada şaŋǧy jarysy, 21-25 nauryzda «Qazaqstan» sport saraiynda su dobynan QR chempionatynyŋ şeşuşı kezeŋı ötedı.
22-26 nauryzda «Sairan» futbol alaŋynda balalar men jasöspırımder arasynda futbol turnirın tamaşalauǧa bolady. 22 nauryzda «Astana-Arena» stadionynda «Aqtöbe» men «Şahter» komandalarynyŋ kezdesuımen QR chempionatynyŋ jaŋa mausymy aşylady. 23-29 nauryz aralyǧynda «Keden» sport keşenınde erler arasynda voleiboldan Qazaqstan chempionatynyŋ törtınşı kezeŋı ötedı. Jeŋıl atletika janküierlerı üşın de Nauryz meiramynda tartysty jarysqa kuä bolmaq. 23 nauryzda Astanalyq saiabaqta 10 şaqyrymǧa jügıruden IV qysqy Astana kubogy ötedı. Al 24 nauryzda «Däulet» sport kombinatynda tennisten halyqaralyq jarys bastalady. Nauryz meiramyna orai sporttyq ıs-şaralardyŋ şeŋberındegı soŋǧy jarys 25 nauryzda «Euraziia» sport keşenınde balalar üilerı şäkırtterı arasynda şaǧyn futboldan turnirı bolmaq.
