«Astana – denı sau jäne sportpen şūǧyldanatyn adamdar qalasy» aksiiasy

«Dene şynyqtyru men sport memlekettıŋ erekşe 

qamqorlyǧynda boluy kerek. Naq sol salamatty 

ömır salty ūlt densaulyǧynyŋ kıltı bolyp sanalady».

N.A. Nazarbaev

Astana qalasynyŋ äkımdıgı 2016 jylǧy 15 tamyzdan bastap «Astana – denı sau jäne sportpen şūǧyldanatyn adamdar qalasy» atty bıregei aksiia ötkızedı. Maqsaty – astanalyqtardy sportqa baulu. Memleket basşysy atap ötkendei: «Salamatty ömır salty ūlt densaulyǧynyŋ kıltı» bolyp sanalady. Qazaqstan Respublikasy Prezidentınıŋ tapsyrmalary aiasynda maŋyzdy mındet qoiyldy – 2020 jylǧa qarai halyqtyŋ 30%-yn dene şynyqtyru men sportqa tartu. Osyǧan bailanysty bır ai boiy elordalyq sport alaŋdary men saiabaqtarda türlı būqaralyq sporttyq jarystar ūiymdastyryldy, oǧan myŋdaǧan qala tūrǧyny qatysty. Aksiianyŋ ūrany: «Emdelgen emes, auyrmaǧan adam sau bolady».

Aksiianyŋ negızgı mındetı

Denı sau jas ūrpaqty tärbieleu, balalardy, jastardy jäne qariialardy, iaǧni barlyq jastaǧy azamattardy sportqa tartu osy aksiianyŋ basty mındetı bolyp tabylady. Sol sebeptı elordada būqaralyq sportty damytuǧa jaǧdailar jasalady.

«Köŋıldı starttar»

Aksiia 15 tamyzda bastalyp, 15 qyrküiekke deiın ötedı. Osy uaqyttyŋ ışınde elordalyq sport alaŋdarynda qyzyqty sporttyq jarystar ūiymdastyrylady, oǧan niet bıldırgenderdıŋ bärı de qatysa alady. Mysaly, är demalys saiyn Astananyŋ 9 parkınde saǧat 18.00-20.00 aralyǧynda zıltemır, gır köteruden jarystar, stritbol, şahmattan saiystar, arqan tartu, sondai-aq, otbasyǧa arnalǧan «Köŋıldı starttar» ötkzıldı.

Jarystarǧa 5-6 jastaǧy balalar, ata-analar jäne ata-äjeler qatysty. Kün saiyn 4500 juyq adam öner körsettı. Qatysuşylar estelık syilyqtarmen jäne jüldelermen marapattaldy.

«Astana – denı sau jäne sportpen şūǧyldanatyn adamdar qalasy» aksiiasy aiasynda «Esıl», «Almaty» jäne «Saryarqa» audandarynyŋ öndırıstık ūjymdary şaǧyn futboldan jarysta özara şeberlık baiqasty.

Aula klubtarynyŋ arasynda ötken «Köŋıldı starttarǧa» qala tūrǧyndary tūtastai otbasylarymen qatysty.

Velosport keŋınen tanymal bolyp keledı

Elordada velosport keŋınen tanymal ekendıgın eskere kele, ekı būqaralyq jarys ūiymdastyryldy: «Ardagerler men äuesqoilar arasynda velosporttan Qazaqstan kubogynyŋ II kezeŋı» jäne mauntinbaik jarysy.

Qazaqstan kubogyna astanalyqtardan basqa, almatylyqtar, qaraǧandylyqtar jäne elımızdıŋ özge öŋırlerınıŋ de tūrǧyndary qatysty. Aita keteiık, jarysta 65 jas jäne odan joǧary sanat ta boldy. Qatysuşylardyŋ qauıpsız qozǧalysyn qamtamasyz etu üşın Tūran daŋǧyly men Qabanbai batyr daŋǧyldary jartylai jabyldy, jol polisiiasynyŋ qyzmetkerlerı erıp jürdı.

Mauntinbaik jarysyna 10-65 jastaǧy elorda tūrǧyndary qatysty. Qatysuşylarǧa qoiylǧan jalǧyz talap – şlem men baiktyŋ boluy.

Astanalyq sportşylardyŋ arasynda baidarkamen eskek esu, stendtık atu, şahmat, toǧyzqūmalaq, hokkei jäne futbol, krossfit, jürdek mänerlep jürgızu jäne t.b. sport türlerınen chempionattar ötkızıldı.

Aksiia aiasynda ırı sport keşenderınde Aşyq esık künderı öttı. Kez kelgen adam «Däulet» SK Ūlttyq tennis ortalyǧynda zamanaui kortta tegın tennis oinau mümkındıgıne ie boldy.

«Astana Marafon – 2016»

4 qyrküiekte ötetın «Astana Marafon – 2016» halyqaralyq qaiyrymdylyq şarasy aksiia aiasyndaǧy erekşe oqiǧa bolady, oǧan 5000 astam adam qatysady dep kütılude.

Qaiyrymdylyq marafonǧa Qazaqstan Respublikasy Prezidentı Äkımşılıgınıŋ basşysy Ä.R. Jaqsybekov, Qazaqstan Respublikasynyŋ Premer-Ministrı K.Q. Mäsımov, Qazaqstan Respublikasy Ükımetınıŋ müşelerı, Qazaqstan Respublikasy Parlamentınıŋ Senaty men Mäjılısınıŋ deputattary qatysady. Osylaişa memlekettık qairatkerler ūlt saulyǧy, qazaqstandyqtardyŋ salauatty ömır saltyn ūstanuy memleketımızdıŋ basym mındetı bolyp tabylatynyn däleldemek.

Marafonǧa Qazaq Banki, ERG, KazTechInnovations, Astana  Marriott Hotel, KPMG «Samūryq-Qazyna» jäne BI-Group syndy kompaniialar, sondai-aq, taiau jäne qiyr şetelden, barlyǧy 23 memleketten atletter, elşılıkter men halyqaralyq kompaniialardyŋ qyzmetkerlerı qatysady.

Atap aitqanda, Ūlybritaniia, Malaiziia, Polşa, Chehiia, İtaliia, AQŞ, Qyrǧyzstan, Fransiia, Avstraliia, Germaniia, İran, Resei, İrlandiia, Belgiia, Estoniia, Braziliia, Özbekstan, Qytai, Oŋtüstık Koreia, Venesuela, Türkiia, Grekiia, Japoniia elderınıŋ ökılderı marafonda baǧyn synaidy.

Elordada Marafondy ötkızuge bailanysty saǧat 7:30-14:00 aralyǧynda ortalyq köşelerde qozǧalys toqtatylady. Elorda tūrǧyndary men qonaqtary uaqyt ünemdep, joldarda dau tuǧyzbas üşın öz baǧdarlaryn aldyn ala josparlaulary kerek. Astana qalasynyŋ äkımdıgı uaqytşa yŋǧaisyzdyqtarǧa tüsınıstıkpen qarauyŋyzdy sūraidy.

Jarystar, turnirler, chempionattar

4 qyrküiekte Astanada Marafonnan basqa, 15-ten artyq jalpyqalalyq sporttyq şara ötkızu josparlanǧan. Oǧan 7000 juyq elorda tūrǧyny men qonaǧy qatysady dep kütılude.

Mysaly, «Jerūiyq», «Astanalyq», «Astana Triatlon» saiabaqtarynda asyq atu, arqan tartu jarystary, sonymen qatar velojarys ötkızıledı. Jarystar saǧat 10.00 bastalady, oǧan niet bıldırgennıŋ bärı qatysa alady.

Jaqyn aimaqtardyŋ jäne elordalyq sportşylardyŋ arasynda üstel tennisınen, şahmattan, şaǧyn futboldan, jeŋıl atletikadan, su polosynan jäne at sportynan turnirler ūiymdastyrylady. Jeŋımpazdar baǧaly syilyqtarmen marapattalady.

4 qyrküiekte «Barys» sport keşenınde elorda tūrǧyndary men qonaqtaryna arnalǧan Aşyq esık künı ötedı. Şara aiasynda kez kelgen adam mūz aidynyna şyǧyp, «Barys» HK jetekşı bapkerlerınıŋ şeberlık synyptaryna qatysa alady.

2016 jylǧy 5-15 qyrküiek aralyǧynda aksiia aiasynda 2000 artyq adam qatysatyn 10 şara ötkızu josparlanǧan.

Salauatty ömır saltyn nasihattau maqsatynda 10 qyrküiekte № 71 OM «Esıl» audanynyŋ mektep mūǧalımderınıŋ arasynda voleiboldan turnir ötedı.

11 qyrküiekte «Astana Triatlon» saiabaǧynda «Otbasylyq Duatlon» ötedı. Ata-analar men balalar osy jarysqa bırge qatysyp, salauatty ömır saltynyŋ qajettılıgın körsetpek.

Aksiia aiasynda velosporttan Qazaqstan Respublikasynyŋ Chempionaty (4 kündık toptyq jarys), Ūlttyq ūlan Bas qolbasşysynyŋ Kubogy üşın qoian-qoltyq ūrystan, taekvondodan «Koreia elşılıgınıŋ kubogy» respublikalyq turnirı ötedı.

2016 jylǧy 7-10 qyrküiek aralyǧynda «Qazanat» ippodromy aumaǧynda «Astana jūldyzy» sporttyq jarysynda bas jülde sarapqa salynady. Atalǧan jobanyŋ negızgı mındetı – öskeleŋ ūrpaqty ūlttyq sport türlerıne, salt-dästürımızge, mädeniet pen tūrmysqa baulu. «Astana jūldyzy» kökpar, qyz quu, bäige, audaryspaq, teŋge alu jäne t.b. ūlttyq sport türlerın damytuǧa baǧyttalǧan. Jobaǧa elımızdıŋ üzdık sportşylary qatysady.

11 qyrküiekte Qabanbai batyr auylynda at sportyna äues jandar 51 şaqyrymdyq alaman bäigede «Altyn Tūlpar» üşın talasady. Jarys «Qazsport» jäne «Qazaqstan» telearnalarynan tıkelei efirde körsetıledı.

Jalpy, «Astana – denı sau jäne sportpen şūǧyldanatyn adamdar qalasy» aksiiasy aiasynda türlı sipattaǧy 50 şara ötkızılmek, oǧan 50 myŋnan astam adam qatysady.

Barlyq astanalyqtardy otbasylarymen bırge sportpen şūǧyldanuǧa şaqyramyz. Būl üşın barlyq audandarda jäne är aulada qolaily jaǧdailar jasalatyn bolady. Ziiandy ädetterden bas tartyp, temekı şegudı tastauǧa jäne spirttık ışımdıkter ışpeuge şaqyramyz. Uaqytty teledidar aldynda bosqa ötkızbei, bükıl otbasyŋyzben bırge būqaralyq sporttyq şaralarǧa qatysyŋyzdar, taza aua jūtyp, boiǧa quat jinap, sergıp qaityŋyzdar.

Salauatty ömır salty sızdıŋ jetıstıkterıŋız ben otbasyŋyzdyŋ auqattylyǧynyŋ artuynyŋ 90% kepılı bolyp tabylady.

astana.gov.kz