Keşe Astana qalasynyŋ äkımı Äset İsekeşev 20 tülekke grant tapsyrdy.
Qala äkımınıŋ arnaiy grantyn ielengen jastardyŋ on şaqtysy S.Seifullin atyndaǧy Qazaq agrarlyq tehnikalyq universitetıne tüsse, beseuı – Euraziia gumanitarlyq institutynyŋ, üşeuı Qazaq ekonomika, qarjy jäne halyqaralyq sauda universitetınıŋ studentı atanyp otyr. Medisina salasyn taŋdaǧandar da bar.
– Elbasymyz atap ötkendei, bılımdı halyqtyŋ keleşegı ärqaşan jarqyn. Bılımdı jastar – memlekettıŋ ülken küş-quaty. Sondyqtan bılım salasyn damytu – elımızdıŋ basym baǧyttarynyŋ bırı. Bılımdı jastardy qoldau maqsatynda mekteptı üzdık bıtırgenderge Astana qalasy äkımınıŋ grantyn tapsyru jaqsy dästürge ainaldy. Biyl, mıne, sızder osyǧan qol jetkızıp otyrsyzdar. Barşaŋyzdy grantqa ie bolularyŋyzben qūttyqtaimyn! – dedı Äset Örentaiūly.
Onyŋ aituynşa, biyl grantqa ümıtkerlerden 41 ötınış qabyldanǧan eken. Sonyŋ 21-ı respublikalyq grantqa ötken. Qalǧan 20 ümıtkerge qala äkımdıgı arnaiy grant bölu jönınde şeşım qabyldaǧan. Oǧan 7 million teŋgeden astam qarjy bölıngen. Grant iegerlerı būdan ärı qalalyq äkımdıktıŋ arnaiy qadaǧalauynda bolmaq. Olardyŋ oqu ülgerımı, basqa da mäseleler jıtı nazarda bolady.
– Arnaiy grant, özderıŋız baiqaǧandai, tehnikalyq, pedagogikalyq, medisinalyq mamandyqtarǧa bölınıp otyr. Men öz kezegımde sızderge aqparattyq tehnologiiany tereŋ meŋgeruge şaqyramyn.
Öitkenı qazırgı kezde pedagogtar da, därıgerler de öz jūmysynda aqparattyq tehnologiiany keŋınen paidalanady. Ekınşıden, sızderdı üş tıldı meŋgeruge keŋes beremın. Sızderdı jaqsy oqyp, bärımızdıŋ ümıtımızdı aqtap, bolaşaqta myqty maman bolatyndaryŋyzǧa senemın! – dedı qala äkımı sözınıŋ soŋynda.
Meŋdolla ŞAMŪRATOV
