ASTANA DEP ÄN SALADY…
Elımızdıŋ şyǧarmaşyl jastary «Än jüregım – Astana!» respublikalyq baiqauyna ülken qyzyǧuşylyq tanytyp otyr. Ötınışter elımızdıŋ tükpır-tükpırınen kelıp tüsude.
Tört jyl boiy qatarynan ötkızılıp otyrǧan baiqauǧa elımızdıŋ bas qalasy Astanany änge qosqan qazaqstandyq jastar qatysady. Irıkteu kezeŋderınen sürınbei ötken qatysuşylar Astana künıne orai ūiymdastyrylatyn gala-konsertte qazaqstandyq estrada änşılerımen bır sahnada öner körsetetın bolady.
Qazırgı kezde ötınışterdı qabyldau jalǧasuda. Baiqauǧa 18-30 jastaǧy jas änşıler, äuesqoi jäne käsıbi şyǧarmaşylyq ūjymdar, ansamblder men jeke oryndauşylar qatysa alady.
Baiqauǧa qatysu üşın ötınış-anketa, ännıŋ sandyq tasymaldaǧyştarǧa jazylǧan nūsqasyn jäne suret joldau kerek.
Baiqauǧa ötınışter myna mekenjai boiynşa qabyldanady: Astana qalasy, Beibıtşılık köşesı, 25 («Örken» ıskerlık ortalyǧy), kab. 401. Tel.: +7(7172) 910845 nemese e-mail: baiterek-press@mail.ru, «Än jüregım – Astana!» baiqauyna» belgısımen qabyldanady.