«Astana – Duatlon 2016»: JŪLDYZDARMEN BIRGE JÜGIR!
Astana künı qarsaŋynda ötetın dästürlı «Astana –Duatlon 2016» būqaralyq-sport şarasy 26 mausym künı «Astana-Bäiterek» monumentı alaŋynda bastau almaqşy. El Täuelsızdıgınıŋ 25 jyldyǧyna jäne Astana künıne arnalǧan merekelık jarysqa qatysuşylar 25 şaqyrym jol jüredı. Iаǧni, velosipedpen 15 şaqyrym qaşyqtyqty baǧyndyrsa, jartylai marafonda 10 şaqyrymǧa deiın jügıretın bolady.
Jarystyŋ ūiymdastyruşysy – Astana qalasynyŋ äkımdıgı.
– Jarys jeŋımpazdary Life Fitness Astana elitalyq fitnes klubynyŋ arnauly jüldelerımen marapattalady, – deidı jarysty ūiymdastyru komitetınıŋ müşesı Şyŋǧyshan Nürkenov.
Jalpy, būqaralyq şara biyl ekınşı märte ötkızılmek. Byltyr tamyz aiynda alǧaş ret ūiymdastyrylǧan jarys joǧary deŋgeide ötıp, astanalyqtar men qala qonaqtarynyŋ osy sportqa degen qyzyǧuşylyǧyn arttyrǧan.
– Byltyrǧy täjıribemızdı eskere otyryp, biyl 500-ge juyq kısı qatysady dep josparladyq. Duatlon jarysyna 16 jastan asqan barlyq adam qatysa alady. Bıraq, jasy 18-ge tolmaǧandar ata-anasynyŋ jazbaşa türdegı rūqsatymen keluı kerek. Özımen bırge jeke velosipedı, qorǧanyş bas kiımı jäne jeke kuälıgı mındettı türde bolǧany jön, – deidı Şyŋǧyshan Nürkenov.
Aita ketu kerek, «Astana-Duatlon 2016» şarasy 3 etap boiynşa ötkızıledı. Aldymen qatysuşylar 5 şaqyrym qaşyqtyqta jügıredı. Odan keiın velosipedpen 15 şaqyrym jürıp, qaitadan 5 şaqyrym joldy jaiau baǧyndyrady. Jarysqa qatysuşylardy tırkeu saǧat 07.00-den 09.00-ge deiın jürgızıledı.
Tırkelgen ärbır qatysuşyǧa tırkeu nömırı, velosipedke arnalǧan japsyrma jäne är saiyskerdıŋ jürıp ötken uaqytyn körsetetın derbes chip salynǧan paket berıledı.
Merekelık jarysqa qatysuşylar «Astana-Bäiterek» monumentı alaŋynan şyǧyp, Dınmūhamed Qonaev köşesı boiymen jügırıp bastaidy. Jügıru jäne velojarystyŋ ärı qaraiǧy tolyq baǧyty «Astana aqşamy» gazetınıŋ jaqyndaǧy sandarynda jariialanady. Jarystyŋ söresı men märesı belgılengen tranzittık zona «Astana-Bäiterek» monumentı alaŋynda ornalasady.
Osylaişa, jalpy qaşyqtyq 25 şaqyrymdy qūraidy. Merekelık şara kezınde qatysuşylardyŋ qauıpsızdıgı saqtalyp, joldar uaqytşa jabylatyn bolady. Sondai-aq, qatysuşylardyŋ densaulyǧyn bırneşe jedel-järdem karetasy baqylaularyna almaq.
«Velosiped demekşı, jarysqa kez kelgenı jarai beredı. Eŋ soŋǧy qatysuşy märe syzyǧyn kesıp ötkennen keiın ǧana, arnauly jabdyqtyŋ jäne ärbır qatysuşyǧa berılgen derbes chiptıŋ kömegımen jarys qorytyndysyn anyqtaityn bolamyz. «Astana – Duatlon 2016» merekelık şarasynyŋ absoliuttı chempionyn anyqtauda jas kategoriiasy maŋyzdy emes. Sonymen qatar, jasyna bailanysty äielder men erler arasyndaǧy chempiondar jeke-jeke anyqtalady. Iаǧni, 16 jastan 30-ǧa deiın, 31 jastan 40-qa deiın, 41 jastan 50-ge deiın jäne 51 jastan asqandar. İgılıktı şaraǧa tanymal sportşylar, qoǧam qairatkerlerı, estrada jūldyzdary, Pekin jäne London Olimpiadasynyŋ qatysuşylary da şyǧady dep kütılude» deidı Şyŋǧyshan Nürkenov.
«Astana – Duatlon 2016» jarysynyŋ jeŋımpazdary men qatysuşylary saltanatty türde marapattalatyn bolady. Sonymen qatar, jarysqa qatysuşylar men janküierler üşın taǧy bır tamaşa tartu bolmaq. Qazaqstannyŋ estrada jūldyzdarynyŋ qatysuymen konsert bolady.
«Astana –Duatlon 2016» jarysy aua-raiyn talǧamaidy. Olai bolsa, jarys jolyna şyǧyŋyz!
Gülmira AIMAǦANBET