Futboldan Qazaqstan chempionatynyŋ üşınşı tury oiyndary öttı. «Astana» öz alaŋynda qaraǧandylyq «Şahter» komandasyn qabyldap, kezektı jeŋısıne qol jetkızdı.
«Astana Arena» stadionyna jinalǧan janküier aldynda «Şahter» chempiondyq mınezın körsetkendei boldy. Ekı jaq ta qorǧanysqa asa maŋyz berıp bastaǧan oiynnyŋ 30-ynşy minutyn astanalyq Foksi Ketevoama şyǧarǧan ädemı pasty Serbiia jastar qūramasynyŋ kapitany, jastar arasyndaǧy Europa chempiony Nemania Maksimovich ūtymdy paidalanyp, ala dopty baspen ūryp, «Şahter» qaqpasyna tulatyp tüsırdı. Al bırınşı taimnyŋ soŋǧy minutynda qonaqtar eseptı teŋestırıp jıberdı. Osylaişa özara tartysty ötıp jatqan oiyn barysynda dürkın-dürkın şabuyldar ūiymdastyra bılgen alaŋ ielerı «Şahter» qorǧanysynan bärıbır bır saŋylau tauyp kettı. Taǧy da sol Foksidıŋ tamaşa pasy bır mergenımız Kanias mült jıbermedı. Ol da baspen soqty. Qalǧan uaqytta esep özgermedı. Osylaişa «Astana» 2:1 esebımen jeŋıske jettı. Al elordalyq komandanyŋ negızgı qarsylasy bolyp alǧan «Qairat» ta Almatyda taldyqorǧandyq «Jetısu» komandasyn ūtty. Köptegen janküierler bügınnıŋ özınde chempiondyq ataq üşın biyl da Astana men Almaty komandalary özara bäsekege tüsedı dep aityp jür. Mümkın solai da bolar. Eŋ bastysy, ekı megapolistıŋ arasynda şynaiy tartys bolǧai. Sonda ǧana qazaqstandyq derbidı köretın bolamyz.
Premer-liganyŋ basqa oiyndarynda mynadai nätijeler tırkeldı: «Qairat» – «Jetısu» 2:0, «Ordabasy» – «Atyrau» 2:0, «Tobyl» – «Oqjetpes» 0:2, «Taraz» – «Aqtöbe» 0:1, «Qaisar» – «Ertıs» 0:0.
«Astana» kelesı oiynda 21 nauryz künı Atyrauda ötkızedı. Al öz alaŋyndaǧy kezektı matchta «Aqtöbe» komandasyn qabyldaidy. Būl oiyn 5 säuırde ötedı. Oǧan deiın, iaǧni, 28 nauryz künı «Astana Arena» stadionynda Europa chempionatynyŋ toptyq ırıkteu turnirı aiasyndaǧy Qazaqstan – İslandiia qūramalary arasyndaǧy matchty tamaşalaityn bolamyz.
Ǧalym QOJABEKOV
